އެތައް ބައެއްގެ ލޯބި ލިބިފައިވާ ތަޖުރިބާކާރު ނަރުސް، އާމިނަތު ނާޒްލީ އިބްރާހިމް މިއަދު އަވަހާރަވެއްޖެ އެވެ.ރައްޔިތުންގެ މަޖިލީހުގެ ވިލުފުށީ ދާއިރާގެ ކުރީގެ މެންބަރު ރިޔާޒު ރަޝީދުގެ އަނބިކަނބަލުން، ނާޒްލީ ނިޔާވެފައި ވަނީ މިއަދުގެ ވަގުތެއްގައި އޭޑީކޭ ހޮސްޕިޓަލުގަ އެވެ.ނާޒްލީއަކީ ވަރަށް ގިނަ ހިދުމަތްތަކެއް ކޮށްދެއްވާފައިވާ ބޭކަނބަލެކެވެ. ޚާއްސަ ގޮތެއްގައި ސިއްޙީ ދާއިރާއިން ކޮށްދެއްވާފައިވާ ހިދުމަތްތައް ފާހަގަކޮށްލެވެ އެވެ.ނާޒްލީގެ ކަށުނަމާދު އޮންނާނީ މިއަދު އަސުރު ނަމާދަށް ފަހު، މާލޭގެ އާ ސަހަރާގަ އެވެ. މޫނު ދެއްކުން ހެނދުނު 9:00 އިން ފެށިގެން ކުރިއަށް ދާނެ އެވެ.ތެލެސީމިއާ ސެންޓަރުގައި ވަރަށް ގިނަ ދުވަސްތަކެއް ވަންދެން މަސައްކަތް ކުރެއްވި ނާޒްލީ އަވަހާރަވީ، އޭނާގެ ގާތް ބައެއް މީހުން ކިޔައިދިން ގޮތުގައި، ސިއްހީ ކުއްލި ހާލަތެއް ދިމާވެ، ކުރި އޮޕަރޭޝަނަކަށް ފަހު ހާލު ދެރަވެގެންނެވެ.އޭނާގެ މަރާ އެކު ސޯޝަލް މީޑިއާގައި އެތައް ބަޔަކު ގެންދަނީ ހިތާމަފާޅުކޮށް އާއިލާއަށް ތައުޒިޔާ ކިޔަމުންނެވެ. އޭނާގެ ބައެއް ހިދުމަތްތަކާ ގުޅޭ ގޮތުން ވެސް ބައެއް މީހުންގެ ތައުރީފާއި ހެޔޮ ބަސްތައް ގިނަ އެވެ.