މަޖިލީހުގެ މަތިވެރި ދާއިރާގެ މެންބަރު ހަސަން ޒަރީރަށް ހަމަލާދިން މައްސަލައިގައި ހައްޔަރުކުރި މއ. ނައިޓްވިލާ އިބްރާހިމް އަބްދުﷲ (ގައްބަރޭ) ކްރިމިނަލް ކޯޓުން ދޫކޮށްލި މައްސަލަ ހައިކޯޓުގައި އިސްތިއުނާފުކޮށްފިއެވެ.
މި މައްސަލައާ ގުޅީގެން ޕީޖީން މީޑިއާތަކަށް ހިއްސާކުރި މެސެޖެއްގައި ބުނީ 6 ޖުލައި 2023 ގައި އިބްރާހިމް އަބްދުﷲ ކިޔާ މީހަކު ބަންދުން ދޫކޮށްލި މައްސަލަ 9 ޖުލައި 2023 ގައި ދިވެހިރާޖޭގެ ހައިކޯޓުގައި އިސްތިއުނާފު ކޮށްފައިވާކަމަށެވެ.
މި މައްސަލައިގައި ގައްބަރޭ ހައްޔަރުކޮށްފައިވަނީ، ފުލުހުން އޭނާ ހޯދަން އިއުލާނުކުރިތާ ހަފްތާއެއްފަހުން އޭނާ އަމިއްލަޔަށް ފުލުހަށް ހާޒިރުވުމުންނެވެ.