ރައްޔިތުން ނިކުމެ ގައުމު ހަމަމަގަށް އަޅުވަންވީ ވަގުތު އަތުވެއްޖެކަމަށް ޖުމްހޫރީ ޕާޓީގެ ނާއިބް ލީޑަރު އަމީން އިބްރާހިމް ވިދާޅުވެއްޖެއެވެ.
އަމީން މިހެން ވިދާޅުވީ މިއަދު ކުރައްވާފައިވާ ދެ ޓްވީޓެއްގައެވެ.
އަމީންގެ ޓްވީޓްގައި ވިދާޅުވީ ދުސްތޫރު ނަގަހައްޓާ ދެމެހެއްޓުމަށް، ރައްޔިތުން މަތިކުރި ޖުޑިޝަރީއާއި ރައްޔިތުންގެ މަޖިލީހާއި، ސަރުކާރާއި މުއައްސަސާތަކަށް އެކަމެއް ނުވިކަމަށެވެ. އަދި އެ މުއައްސަސާތައް ބޮޑު ތަނުން ފެއިލްވެފައިވާކަމަށް އަމީން ވިދާޅުވިއެވެ.
އަމީން ވިދާޅުވީ ރައްޔިތުން ނިކުމެ ފެއިލްވި ފަރާތްތައް އެކަހެރިކޮށް، ގާނޫނު އަސާސީ ކޮޅަށްޖަހާ، ގައުމު ހަމަޔަކަށް އެޅުވުމަށް ފިސާރި ކެރިގެން ނިކުންނަންވީ ވަގުތު އަތުވެއްޖެކަމަށެވެ.