އަމިއްލައަށް ބަނދެފައިވާ ކުޑަ ދޯންޏެއްގައި ފަލިޖަހާފައި އެޓްލާންޓިކް ކަނޑު ހުރަސްކުރުމުގެ މަސައްކަތް މީހަކު ފަށައިފި އެވެ.
ޑަންކަން ހަޗިސަންއަކީ ސްކޮޓްލެންޑުގެ ރަށެއް ކަމަށްވާ ލޮކިންވަރގެ ރައްޔިތެކެވެ. އޭނާގެ އުމުރުގެ ބޮޑު ބައި ހޭދަކޮށްފައިވަނީ ކަނޑުމަތީގަ އެވެ. އެންމެ ފަހުން އޭނާ މަސައްކަތް ކޮށްފައިވަނީ އޮފްޝޯ ޑްރިލްއެއްގަ އެވެ.
ޑަންކަން މިހާރު މަސައްކަތް ފަށާފައި މިވަނީ އަމިއްލައަށް ބަނދެފައިވާ ކުޑަ ދޯންޏެއްގައި ފަލިޖަހާފައި އެޓްލާންޓިކް ކަނޑު ހުރަސްކުރާށެވެ. ފާއިތުވި ތިން އަހަރު އޭނާ ކޮށްފައިވަނީ ދޯނި ބަނުމުގެ މަސައްކަތެވެ.
ޑަންކަންގެ މަސައްކަތް ހާސިލްކުރުމަށްޓަކައި އެޓްލާންޓިކް ކަނޑު ހުރަސްކުރުމަށް އެމެރިކާގެ ނިއުޔޯކުން ފުރުމަށް ހަމަޖެހިފައިވަނީ މިމަހުގެ 19 ވަނަ ދުވަހު އެވެ.
އޭނާގެ މަންޒިލަކީ ސްކޮޓްލެންޑްގެ ލޮކިންވަރއެވެ. ނިއުޔޯކުން ފުރައިގެން ފަލިޖަހާފައި ލޮކިންވަރއަށް 90 އާއި 100 ދުވަހާއި ދެމެދުގެ މުއްދަތެއްގެ ތެރޭގައި ވާސިލްވެވޭނެ ކަމަށް އޭނާ ގަބޫލުކުރެ އެވެ. މިއީ "ވޯޓައެއިޑް"ގެ ނަންދީފައިވާ ހިލޭ ސާބަހަށް މަސައްކަތްކުރާ އެހީދޭ ޖަމިއްއްޔާއަކަށް ފައިސާ ހޯދައިދިނުމަށް އޭނާ ހިންގާ ހަރަކާތެކެވެ.