ނަޞްރު ދުވަސް ފާހަގަކުރުމުގެ ގޮތުން އެމްއެންޑީއެފުން ބާއްވާ މިލިޓަރީ ޑިސްޕްލޭ މިއަދު ހަވީރު އޮންނާނެކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ، އާއްމުންނަށް ހުޅުވާލައިގެން ބާއްވާ ޚާއްޞަ މިލިޓަރީ ޑިސްޕްލޭ އޮންނާނީ މިއަދު ހަވީރު 16:15 ގައި ޖުމްހޫރީ މައިދާނުގައިކަމަށެވެ.
މި މިލިޓަރީ ޑިސްޕްލޭގައި އެމްއެންޑީއެފުން ގެންގުޅޭ އެކި އުޅަނދުތަކާއި ބަޑިތައް ދައްކާލުމަށް ވަނީ ހަމަޖެހިފައެވެ.
Advertisement
މިއަދު ފާހަގަކުރެވެމުންދާ 36 ވަނަ ނަޞްރުގެ ދުވަހުގެ ހަރަކާތްތައް ފަށާފައިވަނީ ޖަމާއަތުގައި ކުރެވުނު ފަތިސް ނަމާދުންނެވެ.
އޭގެ ފަހުން ނޮވެންބަރުގެ ހަނދާނީ ބިނާގައި ދިދަ ޖެހުމާއި، ގާޑު މައުންޓް ކުރުމުގެ ރަސްމިއްޔާތު ގެ އިތުރުން ނަޞްރުގެ ދުވަހުގެ ސިފައިންގެ މައުރަޒު 2024 ވެސް ވަނީ މިއަދު ހުޅުވާފައެވެ.