ޝަހާދަތަކީ ސުވަރުގެ ވަނުމަށް އޮތް ތަޅުދަނޑިއެވެ. ނަމަވެސް އެތަޅުދަނޑިން ސުވަރުގޭގެ ދޮރުކޮޅުތައް ހުޅުވަން ތަޅުދަނޑިއަށް ދޫތަކެއް ބޭނުންވެއެވެ. ދޫތައް ނެތް ތަޅުދަނޑިއަކުން ހުޅުވޭނީ ކޮން ތަޅެއް ހެއްޔެވެ؟
ﷲ ތަޢާލާގެ އެއްކައުވަންތަކަން ޤަބޫލުކޮށް ޝަހާދަތް ކިޔުމަކީ އިސްލާމް ކަމުގެ ފުރަތަމަ ޝަރުތެވެ! ހަމައެކަނި ދުލުން ޝަހާދަތް ކިޔުމަކުން އެ ޝަރުތު ފުރިހަމައެއް ނުވެއެވެ. އެ ޝަރުޠު ފުރިހަމަވާނީ ﷲ ތަޢާލާގެ އަމުރުފުޅުތަކަށް ޢަމަލުވެސް ކުރުމުންނެވެ. ތަޅުދަނޑީގެ ދޫތައް ފުރިހަމަވެ އެއިން ސުވަރުގޭގެ ދޮރުކޮޅު ހުޅުވޭނީ އެ ތަޅުދަނޑި، ތަޅުދަނޑިއެއްގެ ގޮތުގައި ދޫތަކާއެކު ފުރިހަމަކުރެވިގެންނެވެ!
ވީމާ ޝަހާދަތަކީ ސުވަރުގެ ވަނުމަށް އޮތް ތަޅުދަނޑި ކަމަށް ބުނުމަށްފަހު ތިމާ މިހުރީ ތަޅުދަނޑި ލިބިގެން ކަމަށް ބަލައި އިސްލާމް ދީނަށް ޢަމަލު ނުކުރާ މީހުންނަށް އެމީހުންގެ ތަޅުދަނޑިން ކުރާނީ ކޮންފައިދާއެއް ހެއްޔެވެ؟ ތަޅުދަނޑި އޮތީ އަތުގައެވެ. ނަމަވެސް ތަޅުދަނޑީގެ ބޭނުން ހިފޭނީ ދޫތައް ހަމައަށް ހުރެގެންނެވެ. ހުންނަން ޖެހޭ ވަޒަނުގައިވެސް ހުރެގެންނެވެ. ދުލުން ބައެއް މަދުނަމަވެސް ތަޅު ނުހުޅުވޭ ފަދައިންނެވެ.
"ތިބާ ތިއަހަރީ ޝަހާދަތްކިޔައި ﷲ ތަޢާލާގެ އެއްކައުވަންތަކަން ޤަބޫލުކޮށްގެން ނޫން ހެއްޔެވެ؟ ތިބާއަށް ސުވަރުގެ ވަދެވޭނެއެވެ! ތިބާ ކުރާ ފާފަތަކަށް ޢަފޫ ކުރައްވަވާނެތެވެ!" ބުނެ އެގޮތްގޮތް މީސްތަކުންނަށް ވިސްނައިދެނީ ޝައިޠޯނާއެވެ! ޝައިޠޯނާގެ މަޅީގައި ޖެހިތާށިނުވާށެވެ! ލިބިފައިވާ ތަޅުދަނޑީގެ ދޫތައް ފުރިހަމަކޮށް އެއިން ސުވަރުގޭގެ ދޮރުކޮޅު ހުޅުވައިގެން ވަދެވޭ މީހަކަށްވާށެވެ!
--އިސްލާމީ ތިލަފަތުގެ ދަރުސަކުން