ތައިލެންޑްގެ ބެންކޮކް އާއި ޔޫއޭއީގެ ދުބާއީން އާސަންދައިގެ ދަށުން ބޭސްފަރުވާ ހޯދޭނެ ގޮތް މިއަދު “ހަމަޖެހިއްޖެ” އެވެ. ނަމަވެސް މި ފުރުސަތު ހުޅުވާލާފައިވަނީ މަދު މީހަކަށް ނޫނީ އެފަދަ ފުރުޞަތެއް ނުލިބޭނެ ގޮތަށެވެ.
އާސަންދައިން މިއަދު ނެރުނު އިއުލާނުގައި ބުނެފައިވާ ގޮތުގައި، މި ގައުމުތަކުން ބޭސްފަރުވާ ހޯދޭނީ ވަކި ޝަރުތުތަކެއް ފުރިހަމަވާ މީހުންނަށެވެ. އެގޮތުން:
ކިޑްނީ ޓްރާންސްޕްލާންޓް ކުރުމަށް ބޭނުންވާ ބަލިމީހުންގެ ތެރެއިން “ފަސްޓް ޑިގްރީ ޑޯނާ” އެއް (އާއިލާގެ ތެރެއިން ކިޑްނީ ޑޮނޭޓްކުރާނެ ފަރާތެއް) ނުލިބުމުގެ ސަބަބުން ކިޑްނީ ޓްރާންސްޕްލާންޓް ނުކުރެވި އެކަމުގެ ވޭން ތަހައްމަލް ކުރަމުންދާ މީހުންނަށް 
ރާއްޖެ، އިންޑިއާ އަދި ސްރީލަންކާގައި “އެތައް ފަހަރެއްގެ މަތިން” ބޭސްފަރުވާ ކުރުމުންވެސް ރަނގަޅުނުވާ ބަލިމީހުން
މި ޚިދުމަތް ދިނުމަށް އެއްބަސްވެފައިވަނީ ތައިލެންޑްގެ ބެންކޮކް ހޮސްޕިޓަލާއި ދަ ވޯލްޑް މެޑިކަލް ހޮސްޕިޓަލް، އަދި ދުބާއީގެ ބުރުޖީލް މެޑިކަލް ސިޓީ އެވެ. އަދި މި ހޮސްޕިޓަލްތަކަށް ބަލިމީހުން ފޮނުވާނީ ހުސްނުވާ އާސަންދަ ސްކީމްގެ މިހާރުގެ އުސޫލުތަކާ އެއްގޮތަށެވެ.
މިއީ ސަރުކާރަށް ނުކުރެވޭ ވައުދުތައްވެ، އެކަން ފުއްދިއްޖެކަމަށް ލިސްޓު ކުރުމަށް ކުރާ ބޭކާރު މަސައްކަތެވެ. މިކަމުގެ ސަބަބުން އިތުރަށް މުއިއްޒުގެ އަގު ގެއްލުން ފިޔަވާ އިތުރު ކަމެއް ނުވާނެއެވެ. މި ޚިދުމަތް މިއަދު ޑުބާއީ އާއި ތައިލަންޑަށް ހުޅުވާލައިގެން ސަރުކާރުން އެކަން ފާހަގަ އެއް ނުކުރެއެވެ.