ޑޮމައިން ވިއްކުމުގެ ކަންކަން މީގެފަހުން ކުރިއަށްގެންދާނީ ދެފުއްފެންނަ އުސޫލަކުންކަމަށް ދަތުރުފަތުރާ މަދަނީ އުދުހުންތަކާ ބެހޭ ވަޒީރު މުޙައްމަދު އަމީން ވިދާޅުވެއްޖެއެވެ.
ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޓްރާންސްޕޯޓް މިނިސްޓަރު އަމީން ވިދާޅުވީ، ޑޮމައިން ވިއްކުމުގެ ކަންކަން މީގެ ކުރިން މިނިސްޓްރީ އޮފީހުގެ ތެރެއިން ކުރިއަށްގެންދިޔަ ނަމަވެސް މީގެ ފަހުން ޑޮމައިން ވިއްކުން ކުރިއަށްގެންދާނީ ބީލަމުގެ އުސޫލުން ކަމަށެވެ.
މިނިސްޓަރު ވިދާޅުވީ ދުބާއީފަދަ ގައުމުތަކުގައިވެސް ޑޮމައިން ނަމްބަރު ވިއްކުމުގެ ކަންކަން ކުރިއަށްގެންދަނީ ވާދަވެރި ގޮތަކަށް ބީލަމުގެ އުސޫލުން ކަމަށެވެ. މިނިސްޓަރު ވިދާޅުވީ މިހާތަނަށް ޑޮމައިން ވިއްކުމުގެ އުސޫލު ކުރިއަށްގެންގޮސްފައި ހުރީ އުސޫލާ ހިލާފަށް ކަމަށާއި، ބައެއް ޑޮމައިންތައް ދޫކުރި މީހުންގެ ނަންވެސް އިދާރާގެ ރެކޯޑްތަކުގައި ނެތްކަމަށެވެ.
Advertisement
ޓްރާންސްޕޯޓް މިނިސްޓަރު މީޣެ ކުރިން ވަނީ ރާއްޖޭގައި ބޭނުންކުރަމުންގެންދާ ވެހިކަލްތަކުގެ ޑޮމައިން ނަމްބަރުތަކުގެ ތެރެއިން 700 އެއްހާ ޑޮމައިން ނަމްބަރުގެ އަސްލު ނޭނގޭ ކަމަށެވެ.
އިތުރު ތަފްސީލް އަންނަނީ..