ތިން ވަނަ ކެރަމް ކޮމިއުނިޓީ ޝީލްޑް މުބާރާތުގެ ފިރިހެން ސިންގަލްސް ޗެމްޕިއަންކަން ހަސަން ނާޒިމް ހޯދިއިރު، އަންހެން ބައިގެ ތަށި، އައިމިނަތު ވިދާދު (ދާދު) ހޯދައިފި އެވެ.
މިއީ، އަންނަ މަހު މާލޭގައި ފަށާ ކެރަމް ވޯލްޑް ކަޕްގެ ކުރިން ކުޅުނު ފަހު މުބާރާތެވެ.
އެ ގޮތުން، ކެރަމް ކޮމިއުނިޓީ ޝީލްޑްގެ ފިރިހެން ސިންގަލްސް ފައިނަލުގައި ނާޒިމް ވަނީ 2-1 އިން އިބްރާހިމް ހުޖާން ބަލިކޮށްފަ އެެެވެ. ސެޓުތައް ދިޔައީ، 18-17، 13-17 އަދި 25-13 އިންނެވެ.
އަންހެން ސިންގަލްސް ފައިނަލުގައި ވިދާދު ވަނީ 2-0 އިން އައިޝަތު ފައިނާޒް އަތުން މޮޅުވެފަ އެވެ. ސެޓުތައް ދިޔައީ، 25-02 އާއި 19-14 އިންނެވެ.
ސީނިއާ މެންސް ޑަބަލްސްގެ ޗެމްޕިއަންކަން ހޯދީ އަދީލް އާއި ހާތިމް ހަލީލް އެވެ. އެއީ، 20-18، 20-06 އިން މުހައްމަދު މުންތަސިރު އާއި ޔަމާން އަބްދުލް ޖަލީލް ބަލިކޮށްފަ އެވެ. މި ބައިގެ ތިންވަނަ ދިޔައީ، އިސްމާއިލް އަޒްމީން އާއި ހުޖާންގެ ޕެއާ އެވެ.
ސީނިއާ ވިމެންސް ޑަބަލްސްގެ ޗެމްޕިއަންކަން ހޯދީ އައިިމިނަތު ވިޝާމާ އާއި ފާތިމަތު ރަޔާނާ އެެވެ. އެއީ ފައިނަލުގައި، 20-06، 22-05 އިން ޝުބާ އާދަމް އާއި އައިމިނަތު ސިޔާމާ ބަލިކޮށްފަ އެވެ. ތިން ވަނަ އަށް ދިޔައީ ވިދާދު އާއި އައިޝަތު ނަހުފާގެ ޕެއާ އެެވެ.
ޖޫނިއާ ބައިގެ ފިރިހެން ސިންގަލްސް ޗެމްޕިއަންކަން އަހުމަދު މައިޝާން ހޯދީ 25-0 އިން ޝަމްހާން ޝާހު ބަލިކޮށްފަ އެެވެ. ތިން ވަނަ ހޮވި މެޗުން އަހުމަދު ޝަމާލް ސައުދުﷲ ވަނީ މުހައްމަދު ޒީހާން އަތުން 17-13 އިން މޮޅުވެފަ އެެވެ.
ޖޫނިއާ ބައިގެ އަންހެން ސިންގަލްސް ޗެމްޕިއަންކަން، އިންޝާ އިކްލީލް އައްބާސް ހޯދީ ފައިނަލުގައި އައިޝަތު އަލީޝާ ނާފިއު އަތުން 18-17 އިން މޮޅުވެގެންނެވެ. ތިން ވަނަ ހޯދީ އައިޝަތު މައިލާ އާދަމް ޒާހިރު އަތުން 25-0 އިން މޮޅުވި ޒުލައިހާ ލީން އެވެ.
ޖޫނިއާ ޑަބަލްސްގެ ފިރިހެން ޗެމްޕިއަންކަން، އަހުމަދު މައިޝާން އާއި އައްކަމް އާދަމް ހޯދީ ޝަމާލް އާއި އަބްދުﷲ ކީޔާން އަތުން 22-07 އިން މޮޅުވެގެންނެވެ. ތިން ވަނަ ހޮވި މެޗުން މުހައްމަދު ޒީހާން އާއި މީކާއިލް ބިން މަދަދުﷲ މޮޅުވީ 7-13 އިން އަބްދުލްމާލިކް ހަސަން ލަތީފް އާއި އަހުމަދު ނައިސަމް ނިސާހު އަތުންނެވެ.
ޖޫނިއާ ބައިގެ އަންހެން ޑަބަލްސް ތަށި ހޯދީ އިންޝާ އިކްލީލް އައްބާސް އާއި އައިމިނަތު ކައިސާ ބިންތި އަބްދުﷲ އެވެ. އެއީ، ފައިނަލުގައި، އައިޝަތު އަލީޝާ ނާފިއު އާއި ސޯފިއާ ސުނާން ޝާކިރު އަތުން 25-0 އިން މޮޅުވެގެންނެވެ. މި ބައިގެ ތިން ވަނަ ހޯދީ މައިލާ އާދަމް ޒާހިރު އާއި ނީމް ނަސީމް އެވެ. އެއީ. މަރިޔަމް ޝައުން އާއި ފާތިމަތު ޒާޝް އަތުން 25-0 އިން މޮޅުވެގެންނެެވެ.
ހުޅުމާލެ ކެރަމް އެރީނާގައި މިިދިޔަ މަހު 28 ވަނަ ދުވަހުން ފެށިގެން ކުރިއަށްދިޔަ މި މުބާާރާތުގައި، ޖޫނިއާ ބައިގެ ފިރިހެން ސިންގަލްސްގައި 39 ކުޅުންތެރިން ވާދަކުރިއިރު، ޖޫނިއާ އަންހެން ސިންގަލްސްގައި 20 ކުޅުންތެރިން ފެނިގެންދިޔަ އެެވެ. އަދި، ޖޫނިއާ ފިރިހެން ޑަބަލްސްގައި 40 ކުޅުންތެރިން ވާދަކުރިއިރު، އަންހެން ޑަބަލްސްގައި 10 ކުޅުންތެރިން ވާދަކުރި އެެވެ.
ސީނިއާ ކެޓަގަރީގައި ފިރިހެން ސިންގަލްސް އާއި ޑަބަލްސް ބައިން 26 ކުޅުންތެރިން އަދި އަންހެން ސިންގަލްސް އާއި ޑަބަލްސްގައި 12 ކުޅުންތެރިން ފެނިގެންދިޔަ އެވެ.