މިނިސްޓަރުން ވިދާޅުވާ އެއްޗެއް ސަރުކާރުން ހުށައަޅާ ބަޖެޓްގައިވާ އެއްޗަކާއި ދިމާނުވާނަމަ އެއީ ބޮޑު މައްސަލައެއްކަމަށް ކުރީގެ ރައީސް އަލްއުސްތާޒު މައުމޫން އަބުދުލްގައްޔޫމް ވިދާޅުވެއްޖެއެވެ.
ރައީސް މައުމޫން މިހެން ވިދާޅުވީ ބިހުރޯޒު މިސްކިތާއި މަސްޖިދުލް އިމާމް އާދިލްގައި 12 ބުރީގެ މަލްޓިޕާޕަސް ދެ އިމާރާތް އެޅުމަށް އަންނަ އަހަރުގެ ބަޖެޓުގައި ޖަހާފައިވަނިކޮށް ބިހުރޯޒް މިސްކިތް ތަޅާލަން ނޫޅޭކަމަށް ބުނެ އިސްލާމިކް މިނިސްޓަރު ދެއްކެވި ވާހަކަފުޅާއި ގުޅިގެންކަމަށް ބެލެވެއެވެ.
ރައީސް މައުމޫން ވިދާޅުވީ މިނިސްޓަރުން ވިދާޅުވާ އެއްޗެއް ސަރުކާރުން ހުށައަޅާ ބަޖެޓްގައިވާ އެއްޗަކާއި ދިމާނުވާނަމަ އެއީ ބޮޑު މައްސަލައެއްކަމަށެވެ.
އަދި އެކަންކަން އޮޅުން ފިލުވައިދޭން ޖެހޭނެކަމަށް ރައީސް މައުމޫން ވިދާޅުވިއެވެ.