އިސްލާމީ ގައުމެއްގައި ހިނގައިގެން ނުވާނެ ވަރަށް ގިނަ ކަންތައްތައް ރާއްޖޭގައި ފަހަކަށް އައިސް ހިނގަމުންދާ ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެ އެވެ.ރ. އަލިފުށީގައި ވާހަކަ ދައްކަވަމުން ކުރީގެ ރައީސް މައުމޫން އަބްދުލްގައްޔޫމް ވިދާޅުވީ “އިސްލާމީ ގައުމެއްގައި ހިނގައިގެން ނުވާނެ އެތައް ކަންތައްތަކެއް ރާއްޖޭގައި ހިނގަމުން އެބަދޭ. ޑރ. އަފްރާޝީމް އަލީ ޝަހީދުކޮށްލި ހާދިސާއަށް ފަހުވެސް ރާއްޖޭގައި ވަރަށް ގިނަ މީހުން ވަނީ މަރާފަ. އެކަހަލަ ކަންތައްތަކަކީ އެއްވެސް ގޮތެއްގައި ހިނގައިގެން ވާނެ ކަންތައްތަކެއް ނޫން.”ކަމަށެވެ. އަދި “އަންހެން ކުދިންގެ އިއްފަތްތެރިކަން ފޭރުމާއި ކުޑަ ކުދިންނާއި އެކީގައި ކުޑަކުދިންނާއި މެދު ބަދު އަޚުލާގީ އަމަލު ހިންގަމުންދާ”ކަމަށްވެސް ރައީސް މައުމޫނު ވިދާޅުވިއެވެ.ރައީސް މައުމޫނު ރ. އަލިފުއްޓަށް ވަޑައިގަތީ ޕީޕީއެމް ގެ ރިޔާސީ ކެނޑިޑޭޓް ޔާމީންގެ ކެމްޕޭން ހަރަކާތުގެ ތެރެއިންނެވެ.