ފުލުހުންގެ ހިނގި އޮޕަރޭޝަނެއްގައި ބަނގުރާ ފުޅިތަކަކާއެކު މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުންގެ ޚިދުމަތުން ވިދާޅުވީ މާލޭގައި ބަނގުރަލުގެ ވިޔަފާރިކުރާކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާއި ގުޅިގެން ޑްރަގް އެންފޯސްމަންޓް ޑިޕާޓްމަންޓާއި، އިންޓަލިޖެންސް ގުޅިގެން ހިނގި އޮޕަރޭޝަނެއްގައި މަޖީދީ މަގުން ހުއްޓުވައި ބަލާފާސްކުރި މީހަކު ފުލުހުންގެ ބެލުމުގެ ދަށަށްގެންދިޔަކަމަށެވެ.
މި މައްސަލާގައި ފުލުހުންގެ ބެލުމުގެ ދަށަށް ގެންގޮސްފައިވަނީ ގދ. ގައްދޫ، ރެޑްމާގެ އުމުރުން 33 އަހަރުގެ މުޙައްމަދު އަޒްހަމް ސައީދުކަމަށެވެ.
ފުލުހުން ވިދާޅުވީ އަޒްހަމް ފުލުހުންގެ ބެލުމުގެ ދަށަށް ގެންދިޔައީ އޭނާ ދުއްވި ސައިކަލްގެ ބަލާފާސްކުރި އިރު 3 ފުޅި ބަނގުރާ ފޮނުވުންކަަށެވެ. މިމައްސަލަ ފުލުހުން ގެންދަވަނީ އިތުރަށް ތަޙުޤީގުކުރައްވަމުންނެވެ.
ބަނގުރާ ފުޅިތަކަކާއެކު މާލެއިން މިރޭ މީހަކު ހައްޔަރުކޮށްފައިވާއިރު، އައު އަހަރާ ދިމާކޮށް، ބަނގުރަލާއި މަސްތުވާތަކެތި ބޭނުންކޮށް ވިއްކާ ވިޔަފާރިކުރުން އިތުރުވާނެކަމަށް ބެލެވޭތީ އެކަން ހުއްޓުވަން ފުލުހުންގެ ޚިދުމަތުން ވަނީ މިމަހުގެ 35 ވަނަ ދުވަހު ޚާއްސަ އޮޕަރޭޝަނެއް ފަށާފައެވެ.