މާދަމާ ވެލާނާ އިންޓަނޭޝަނަލް އެއަރޕޯޓަށް ބާރުބޮޑުވާނެތީ، ދަތުރުކުރާ ފަރާތްތަކުން ދުރާލާ އެއަރޕޯޓަށް ދިޔުމަށް މޯލްޑިވްސް އެއަރޕޯޓް ކޮމްޯޓް ކޮމްޕެނީ ލިމިޓެޑް (އެމްއޭސީއެލް) އިން މިއަދު އިލްތިމާސްކޮށްފިއެވެ.އެމްއޭސީއެލުން މިފަދަ އިލްތިމާސްއެއް ކޮށްފައިވަނީ މިހާރު ޕީކް ސީޒަން ކަމަށްވެފައި، ޑިސެމްބަރުމަހު ޢުމްރާގެ އަޅުކަމަށް ދިޔަ ދިވެހިން މާދަމާ އެނބުރި އަންނަން ފަށާތީއެވެ. އެމްއޭސީއެލްގެ ތަފާސްހިސާބުތަކުން ދައްކާގޮތުގައި މާދަމާ ހެނދުނު 6:00 އިން 9:00 އާ ހަމައަށް ގާތްގަނޑަކަށް 2,678 މީހުން ރާއްޖެ އައުމަށް ހަމަޖެހިފައިވާއިރު، އޭގެ ތެރޭގައި 618 ޢުމްރާވެރިން ހިމެނެއެވެ. އަދި މެންދުރު 14:00 އިން 16:00 އަކާ ދެމެދު އިތުރު 2,071 މީހުން ރާއްޖެ އައުމަށް ހަމަޖެހިފައިވާއިރު، އޭގެ ތެރޭގައި 452 ޢުމްރާވެރިން ހިމެނެއެވެ.މި ސަބަބުތަކަށްޓަކައި، މާދަމާއަކީ ވެލާނާ އިންޓަނޭޝަނަލް އެއަރޕޯޓުގެ މަގުތަކާއި ޓަރމިނަލް ސަރަހައްދަށް ބާރުބޮޑު ދުވަހަކަށްވާނެ ކަމަށް އެމްއޭސީއެލްއިން ބުނެފައިވެއެވެ. އެހެންކަމުން، އެއަރޕޯޓުން ފުރަން ދާ ފަރާތްތަކުން، ފުރުމަށް ކަނޑައެޅިފައިވާ ވަގުތުގެ އެންމެ ލަސްވެގެން 3 ގަޑިއިރު ކުރިން އެއަރޕޯޓަށް ދިއުމަށް އެމްއޭސީއެލުން ވަނީ ބާރުއަޅުއްވާފައެވެ.މީގެއިތުރުން، އެއަރޕޯޓުގެ އޮޕަރޭޝަންތައް ވީހާވެސް އަވަހަށް އަދި ފަސޭހަކަމާއެކު ކުރިއަށްގެންދިއުމަށްޓަކައި، އެއަރޕޯޓް މުވައްޒަފުން ދޭ އިރުޝާދުތަކާ އެއްގޮތަށް ޢަމަލުކުރުމަށް އާންމުންގެ އެހީތެރިކަމަށް އެމްއޭސީއެލްއިން އެދިފައިވެއެވެ.