ރައްޔިތުންގެ މަޖިލީހުގެ ސްޕަރ މެޖޯރިޓީ ހޯދުމަށްޓަކައި އެދުވަސްވަރު ވަޒީފާއާއި ފައިސާއާއި ހުވަފެނީ ޕްރޮޖެކްޓައް މުއިއްޒު އޮއްސާލިއެވެ. ހުވަފެނީ ޕްރޮޖެކްޓާއި ފައިސާއާއި ވަޒީފާ ބަހައިގެން މެންބަރަކަށް ހޮވީ މުއިއްޒުގެ ކޮއްކޮ ސައުދާ އެކަންޏެއް ނޫނެވެ. އެހާވަރުން ހޯދި މަޖިލީހެއްގެ ކޮންޓްރޯލް ގެއްލުނު ނުދޭން ކުރެވެން އޮތް ހުރިހާކަމެއް މުއިއްޒު އެދަނީ ކުރަމުންނެވެ. ތިންބާރު ކިހިލި ޖަހައިގެންވެސް މަޖިލިސް މުށުތެރޭގައި ނުބޭއްވިއްޖެނަމަ ވަނެގޮތް މުއިއްޒަށް އެނގެއެވެ. 
ރައްޔިތުންގެ މަޖިލިސް މުއިއްޒު އަތްދަށުލުމަށް މަޖިލިސް އިންތިހާބާ ގުޅުވައި ލާރިއެއް ދިއްކޮލި ކޮންމެ ބައެއްގެ އުނގަށް ދިވެހި ސަރުކާރު މުއިއްޒު ވައްޓާލީއެވެ. ސަރުކާރު ބޮޑެތި ކުންފުނިތައް ލޫޓުވާލިއެވެ. ސަރުކާރު ކުންފުނިތަކުން މުއިއްޒު ގިނަ ފައިސާ ބޭރުކޮށްލީ އެކުންފުންޏަކާ ގުޅޭ ދާއިރާއަކާއިގުޅޭ އެކއެކި ބޮޑެތި ޕްރޮޖެކްޓްތައް ހިންގުމުގެ ނަމުގައެވެ. 
ތިލަފުއްޓަށް ޕޯޓް ބަދަލުކުރުމުގެ ނަމުގައި ފިލިޕިންސް ކުންފުންޏަކުން މިލިޔަނުން ޑޮލަރު ނެގިއެވެ. ފައިދާއާއި އެކު އެކުންފުންޏަށް އެމްޕީއެލުން ފައިސާ ދީފައި އެގްރީ މަންޓް ބާތިލު ކޮށް އެކަން ނިންމާލީއެވެ. 
ރަސްމާލެ ޕްރޮޖެކްޓުވެސް ދިޔައީ އެމަގުންނެވެ. ރާޖޫއަތުން އެކި ފަހަރު ނެގި ފައިސާތަކަށް ގުރުބާން ކުރީ އެޗްޑީސިއެވެ. އުފެދުމުގައިވެސް ބާތިލު އެގްރިމެންޓް ބާތިލުކޮށް ދިވެހި ދައުލަތް ސިލޯނުގެ އާދައިގެ ކުންފުންނަކަށް ދަރުވާލީއެވެ. 
ތިނަދޫ ފަޅުގައި އަޅާ އިންޓަނޭޝަނަލް އެއަރޕޯޓްގެ ހުވަފެނީ ޕްރޮކްޓް އަދިއޮތީއެވެ. މާލޭ ސަރަހައްދުގެ މިނީ-ރޭލް ޕްރޮޖެކްޓާއި ފުނަދޫ ތެޔޮ ސްތޯރޭޖް ބަދަލުކުރުމުގެ ހިޔާލީ ފޮލާގައި ކާލިވަރެއް ނޭގެއެވެ. ހުޅުލޭ ސީޕްލޭން ޓަރމިނަލް ރިލޮކޭޓް ކުރުމުގެ ރޭވުން ގަނޑު އޮތް ވަރެއް ވެސް ނޭގެއެވެ. ޗައިނާ ބަޔަކުލައްވާ އުތުރު ތިލަފަޅުގައި ދަނޑުވެރިކަން ކުރަން އުޅެފައި އެކަން ރަސްމާލެއަށް ބަދަލުކުރުމުގެ އަދި އޮތް ގޮތެއް ވެސް ބަލަަންޖެހެއެވެ. މިކަހަލަ އެތައްސަތޭކަ ޖަރީމާއެއް ކުޑަ ދުވަސްކޮޅެއްގެ ތެރޭގައި މުއިއްޒު ހިންގާލައިފިއެވެ.   
ދަރާވިކިގެން ބޯހިކެން ނެތް ފެނަކަ ކޯޕަރޭޝަން ވެސް މުއިއްޒު ހެދީ ކިރުފެލާ ގެރިއަކަށެވެ. މަޖިލިސް އިންތިހާބަށްޓަކައި އެތައް ވަޒީފާއެއް ބަހާލާ މުޅި ކުންފުނި ގިއްގަޅުވާލައިގެން ފަރު ޖެއްސީއެއް ނޫނެވެ. ޗައިނާ ޑޮންފަންގ ކުންފުނި ކަހަލަ ކުންފުތަކުން ދަރަންޏަށް ޑޮލަރު ކޮޅުކޮޅުވެސް ހޯދީއެވެ.
ޗައިނާގެ ޑޮންފަންގް ކުންފުނިން ހޯދި ޑޮލަރުކޮޅުގެ ބަދަލުގައި އިންޓްރެސްޓާއެކު އެކުންފުންޏަށް ފައިސާދިނުމަށް އުފެއްދި ހިޔާލީ ޕްރޮޖެކްޓަކީ އައްޑޫ ކަރަންޓް އަޕްގްރޭޑް ކުރުމުގެ ޕްރޮޖެކްޓެވެ. އައްޑޫ ކަރަންޓް އަޕްގްރޭޑް ކުރާނަމުގައި ހިންގި 5 ލައްކަ ޑޮލަރު ސްކޭމްގެ ކަންތައް އެހެރަދަނީ ފަޅާ އަރަމުންނެވެ. ދެންފެންނާނީ ފެނަކައިން ފަސްލައްކަ ޑޮލަރ ގެއްލި އައްޑޫ ކަރަންޓް އަޕްގުރޭޑްނުވެ އެޕްރޮޖެކްޓްގެ އެއްބަސްވުން ބާތިލުކުރާތަނެވެ.