މުއިއްޒުގެ ރޯލްމޮޑެލް އަދުރޭގެ ބާރު ސަރުކާރުން ކަނޑުވާލުމުގެ މުގުލުގައި ހުރީ ހާރިޖީ ވަޒީރު އަލީ އިހުސާން ކަމަށް އިތުބާރު ހުރި މަސްދަރަކަުން މައުލޫމާތު ދީފިއެވެ. އިހުސާނު ބަރުވެރިވުމަށް އަމާޒުހިފީ އަދުރޭގެ ވަރަކޮށާލާށެވެ. ކުރިމަތިލުންތައް ފެށުނީ ޓޫރިޒަމް މިނިސްޓަރ ފައިސަލާއި މިނިސްތަރ އިހުސާން ޕީއެންސީގެ ނައިބު ރައީސްކަމަށް ނިޔަތް ގަތް ހިސާބުންނެވެ. އެގޮތުން އެކަމު އަަނެކަކަށް އިންޒާރު ދިނުމާއި ބިރުދެއްކުމަކީ ތަކުރާރުކޮށް ހިނގަމުން އައިކަންކަމެވެ. 
ފައިސަލް އިހުސާނަށް ބިރުދައްކަނީ ގޭންގްތައް މެދުވެރިކޮށެވެ. އިހުސާން ފައިސަލަށް ބިރުދައްކަނީ ފުލުހުންނާއި ސިފައިން މެދުވެރިކޮށެވެ. އިހުސާނަކީ ފެބްރުއަރީ 7ގެ ބަގާވާތުގެ ގްރައުންޑް އޮޕަރޭޝަންގައި ހުރި އިސް އޮފިސަރެވެ. އޭރު ސިފައިންގޭގައި ތިބި ގިނަ ޖުނިިއަރ އޮފިސަރުންނަކީ އިހުސާން ސަރގެ ދަރިވަރުންނެވެ. މިހާރު ސިފައިންގޭގައި އިސްކޮށް ތިބީ ގިނައިން ޢޭގެ މީހުންނެވެ. 
އަނެއްކޮޅުން ޕޮލިސް ކޮމިޝަނަރަކީ މިހާރު ރަމްޒީ މީހެކަށް ހުންނަނީ ހަދާފައެވެ. މުޅި ޕޮލިސް ސާވިސް އޮތީ އިހުސާނުގެ މުށުތެރޭގައެވެ. ހޯމް މިނިސްޓްރީގެ ތެރެއިން އިހުސާން ބޭނުންވާ ގޮތަށް ޕޮލިސްގެ ކަންކަން ފަރުމާކޮށް ކޮމާންޑް ކުރަނީ ސްޓޭޓް މިނިސްޓަރ ފައިރޫޒެވެ. ފައިރޫޒަކީ ފެބްރުއަރީ 7ގެ ބަގާވާތަށް ފަހު ފުލުސް ސާވިސް ހިންގަން ވަގުތީ ގޮތުން ހަވާލުކުރި މީހާއެވެ. އިހުސާން ބޭނުންވާ ގޮތަށް އިންޓަލިޖެންސް ރިޕޯޓްތަކަށް މައުލޫމާތު އެއްކޮށް ފުލުހުންގެ އިންޓަލް ރިޕޯޓްތައް ތައްޔާރު ކުރުމުގެ އިސް މީހަކަށް އިހުސާން ކަނޑައަޅާފައި ހުންނަނީ ފައިރޫޒެވެ.   
ގޭންގްކުށް ހުއްޓުވުމުގެ ނަމުގައި އިހުސާން ބޭނުންވާ ބަޔަކު ހައްޔަރުކޮށް ބާރު ކަނޑުވާލުމަކީ އިހުސާންގެ ބާރު ގަދަކުރެވޭ ގޮތަށް ހުރިހާކަމެއް ހުރީ ރަނގަޅަށް ތަރުތީބުވެފައެވެ. އިހުސާނަށް ސިޔާސީ ގޮތުން ބާރު ނުފޯރާ އެންމެން ހިފާ ހައްޔަރުކޮށް މަގާމު ގެއްލުވާލުމުގެ ބާރު އިހުސާނު އޮތީ ހޯދާފައެވެ. ގޭންގްކުށް ނައްތާލުމުގެ ނަމުގައެވެ. އިހުސާނު ބޭނުންވުމުން މީހަކު ހިފާ ހައްޔަރުކޮށް ގާޒީއެއްގެ ކުރި މައްޗަށް ނުގެންގޮސް ހުކުމެއް ނުކޮށް ބަންދުގައި ބެހެއްޓޭ ވަރަށް މިހާރު އިހުސާނަށް ބާރުއެބަ އޮތެވެ. 
އިހުސާނު ބޭނުން ކޮންމެ ވަގުތެއްގައި ރައްޔިތުންގެ އިންތިހާބީ މަގާމުތަކުގައި ތިބޭ ރައީސުލްޖުމްހޫރިއްޔާ އާއި ނައިބު ރައީސް އާއި މަޖިލިސް މެންބަރުންނާއި މޭޔަރުންނާއި ކައުންސިލަރުން ގޭންގް ކުށުގެ ތުހުމަތުގައި ހިފާހައްޔަރުކޮށް ގޭންގް ލީޑަރެއް ކަމަށް ކަނޑައަޅާ މަގާމު ގެއްލުވާލެވޭ ގޮތަށް އިހުސާން އަތުގާ މެޖޯރިޓީ އޮންނަ ކުޑަ ކޮމެޓީއަކަށް ގާނޫނުން އެއޮތީ ބާރުދީފައެވެ.
ރައީސް މުއިއްޒު ހުރީ ވަރަށް ރަނގަޅަށް އިހުސާނުގެ މުށުތެރޭގައެވެ. އިހުސާންގެ ރުހުންނެތް އެކަކަށްވެސް މުއިއްޒު ސަރުކާރުގައި ޖާގަ ނުއޮންނަ ވަރަށް ސަރުކާރުގެ ކޮންޓްރޯލް އިހުސާން ވަނީ ނަގާާަފައެވެ. ސަރުކާރުގެ ކުންފުނިތައް ހިންގަން މިލިޓަރީ ބެކްގްރައުންޑްގެ ރިޓަޔަރޑް މީހުން ލަމުންދާ ދިޔުމުންވެސް އެކަން އެގޭނެއެވެ. އާރޑީސީއާއި އެމްޓީސީސީއާއި ފެނަކައަށް އެކަނި ބަލާލުމުން އެކަން އެގޭނެއެވެ. އަނެއްކޮޅުން މުސާރަ ދިނުމަށް ހެޕީމާކެޓަށް ބޮންޑު ވިއްކައިގެން ސަރުކާރު އޮތީ ބޮޑު ދަރަންޏަކުން ހެޕީމާކެޓަށް (އިހުސާނަށް) ދަރުވާލާފައެވެ.