އެސްޓީއޯ އަށް މިދިޔަ އަހަރު އެއްކޮށް ބަލާނަމަ ސާފު ފައިދާ 19 ޕަސެންޓް ދަށްވެފައުވެ އެވެ، ނަމަވެސް ފަހު ކުއާޓަރުގައި ލިބުނު ސާފު ފައިދާ އިތުރުވެފައިވެ އެވެ.
ސަރުކާރުގެ ބޮޑު އިސްޓޯރު އެސްޓީއޯ އަށް ލިބުނު ސާފު ފައިދާ މުޅި އަހަރަށް ބަލާއިރު ދަށް ނަމަވެސް ފަހު ކުއާޓަރު ވަކިން ބަލާނަމަ މަތިވެއްޖެ އެވެ. 
ސަރުކާރުގެ އެންމެ ބޮޑު ކުންފުނި އެސްޓީއޯ އިން ފަހު ކުއާޓަރުގައި ވަނީ 3.2 ބިލިއަން ރުފިޔާގެ ވިޔަފާރިކޮށްގެން 3.8 ބިލިއަން ރުފިޔާ ވަނީ ހޯދާފަ އެވެ.
މި ވަރަށް އެ ކުންފުނިން ފަހު ކުއާޓަރުގައި އާމްދަނީ އާއި ވިޔަފާރި ކުރިނަމަވެސް މުޅި އަހަރަށް ބަލާނަމަ 2023 އާއި 2024 އަޅާ ކިޔާއިރު ވިޔަފާރި އާއި ހޯދި އާމްދަނީ ވެސް ވަނީ ދަށްވެފަ އެވެ. މިދިޔަ އަހަރު 13 ބިލިއަން ރުފިޔާގެ ވިޔަފާރި ކުރިނަމަވެސް އޭގެ ކުރީ އަހަރު 13.6 ބިލިއަން ރުފިޔާގެ ވިޔަފާރިކޮށްފައިވެ އެވެ. އަދި މިދިޔަ އަހަރު 15.3 ބިލިއަން ރުފިޔާގެ އާމްދަނީއެއް ހޯދިއިރު، ކުރީ އަހަރު ހޯދި އާމްދަނީ 16.3 ބިލިއަން ރުފިޔާ އަށް އަރަ އެވެ. މިދިޔަ އަހަރު ހޯދި 15 ބިލިއަން ރުފިޔާގެ އާމްދަނީއަކީ. ކުރީ އަހަރުގެ އާމްދަނީާ ބަލާއިރު ހަ ޕަސެންޓުގެ
އަހަރީ އާމްދަނީ ދަށްވި ސަބަބު - އަހަރީ އާމްދަނީ ދަށްވުމުގެ މައިގަނޑު ސަބަބަކީ ދުނިޔޭގެ ބާޒާރުގައި ތެލުގެ އަގަށް އައިބަދަލާއިއެކު ކުންފުނިން ވިއްކަމުން ދިޔަ ތެލުގެ އަގަށް ހެޔޮ ބަދަލުތަކެއް ގެނެވި ތިން ފަހަރެއްގެ މަތިން ތެލުގެ އަގު ދަށްކުރުމާއިއެކު، ތެލުގެ ވިޔަފާރިން ލިބުނު އާމްދަނީ ދަށްވެފައިވުމެވެ. އާމްދަނީ ދަށްވުމާއިއެކު، ޖުމްލަ ފައިދާގެ ގޮތުގައި ލިބިފައިވަނީ 2.4 ބިލިއަން ރުފި ޔާއެވެ. މިއީ އޭގެ ކުރީ އަހަރާއި އަޅާބަލާއިރު 12 އިންސައްތައިގެ ދަށްވުމެކެވެ. ކުންފުނީގެ ހިންގުމުގެ ހަރަދުވަނީ 2024 ވަނަ އަހަރު އޭގެ ކުރީ އަހަރާއި އަޅާބަލައި 8 އިންސައްތަ ދަށްކުރެވި ފައެވެ. އެހެންނަމަވެސް، ޖުމްލަ ފައިދާ ދަށްވުމާއިއެކު ހިންގުމުގެ ފައިދާ ދަށްވެ، ހިންގުމުގެ ފައިދާގެ ގޮތުގައި ލިބިފައިވަނީ 1.1 ބިލިއަން ރުފިޔާއެވެ.މިދިޔަ އަހަރު އެއްކޮށް ބަލާނަމަ ޓެކްސް އަށް ކެނޑުމުގެ ކުރިން އެސްޓީއޯގެ ސާފު ފައިދާއަކީ 812 މިލިއަން ރުފިޔާ އެވެ. މިއީ ކުރި އަހަރު ލިބުނު 996 މިލިއަން ރުފިޔާއާ އަޅާބަލައި 19 ޕަސެންޓުގެ ދަށްވުމެކެވެ. މީގެ މައިގަނޑު ސަބަބަކީ، މަތީގައި ބަޔާންކުރެވުނު ފަދައިން ތެލުގެ އަގުތަކަށް ގެނެވުނު ބަދަލާއިއެކު ޖުމްލަ ފައިދާ ދަށްވެފައި ވުމެވެ. ޓެކުހަށް ކެނޑުމަށްފަހު މިދިޔަ މުޅި އަހަރު ސާފު ފައިދާގެ ގޮތުގައި ވަނީ 717 މިލިއަން ރުފިޔާ އެވެ. ކުރީ އަހަރު ލިބުނީ 818 މިލިއަން ރުފިޔާ އެވެ. 
އެސްޓީއޯގެ ހަތަރުވަނަ ކުއާޓަގެ ޖުމްލަ ފައިދާ ރަނގަޅު ވުމާއިއެކު ޓެކްސް އަށް ކެނޑުމަށްފަހު ސާފު ފައިދާގެ ގޮތުގައި ވަނީ 218 މިލިއަން ރުފިޔާ ލިބިފައެވެ. މިއީ ކުރީ އަހަރުގެ ތިންވަނަ ކުއާޓަރުގައި ލިބުނު 155 މިލިއަން ރުފިޔާގެ ސާފު ފައިދާއާ އަޅާބަލާނަމަ އިތުރުވުމެކެވެ. އަދި ކުރީ އަހަރުގެ ހަތަރު ވަނަ ކުއާޓަރުގައި ސާފު ފައިދާގެ ގޮތުގައި ލިބުނު 182 މިލިއަން ރުފިޔާއާ އަޅާ ކިޔާނަމަވެސް އިތުރުވުމެއް ކަމަށް ދައްކަ އެވެ. 
އެ ކުންފުންޏަށް މިދިޔަ އަހަރުގެ ފަހު ކުއާޓަރުގައި ހިއްސާއަކަށް ޖެހިފައިވަނީ 194ރ. އެވެ. މިއީ ކުރީ އަހަރުގެ ހަތަރު ވަނަ ކުއާޓަރުގައި ހިއްސާއަކަށް ޖެހުނު 162ރ. އާ ބަލާއިރު އިތުރުވުމެކެވެ. އެ ކުންފުނީގައި މިދިޔަ އަހަރު ނިމުނުއިރު ޖުމްލަ 2370 މުވައްޒަފުން އެބަތިއްބެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ