ދިވެހިރާއްޖޭގެ 61 ވަނަ މިނިވަންދުވަހުގެ އުފަލުގައި އުރީދޫ މޯލްޑިވްސްގެ ފަރާތުން ކަސްޓަމަރުންނަށް ތަފާތު އޮފާތަކެއް އިއުލާނުކޮށްފިއެވެ. މިނިވަން-61 ޑޭޓާ ޕެކްއިން ފެށިގެން، ޑޭޓާ ޕެކް ހަދިޔާ ކުރުމާއި، މިނިވަން ދުވަހު ވަކި ވަގުތެއްގައި ހިލޭ ކޯލާއި މެސެޖާކު، މި މިނިވަން ދުވަހުގެ އޮފާތައް ފަރުމާކޮށްފައި ވަނީ ކޮންމެ ކަސްޓަމަރަކަށް ވެސް އާއިލާ އާއި ރައްޓެހިންނާއެކު ގުޅުން ބަދަހިކޮށް، ޝެއާކޮށް، އަދި ހަލުވި ސްޕީޑްގެ ތަޖުރިބާތައް ގެނެސްދިނުމަށެވެ. މިނިވަން ދުުވަހުގެ އޮފާތައް: 1. މިނިވަން 61 ޕެކް - 61 ރުފިޔާއަށް 61 ޖީބީ ޑޭޓާ މިނިވަން ދުވަހުގެ އުފާ ފާޅުކުރުންތަކުގެ ތެރޭގައި މެދުކެނޑުމެއްނެތި އިންޓަނެޓް ބޭނުންކުރުމަށް، އެންމެ 61 ރުފިޔާއަށް 61 ޖީބީގެ ޑޭޓާ (24 ގަޑިއިރަށް) ނެންގެވޭނެއެވެ. މި އޮފާ ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށް ވެސް އެކްޓިވޭޓްކޮށްލެވޭނެއެވެ. މިހާރު ލިބެން އޮތް މި އޮފާ ކުރިއަށްދާނީ އަންނަ ހުކުރު ދުވަހުގެ ނިޔަލަށެވެ. 2. މިނިވަން 61 ޕެކް ގާތް ފަރާތްތަކަށް ހަދިޔާކޮށްލާ މިނިވަން ދުވަހުގެ ހަދިޔާއެެއްގެ ގޮތުގައި ގާތް ފަރާތްތަކަށް މިނިވަން 61 ޕެކް - 61 ރުފިޔާއަށް 61 ޖީބީގެ ޑޭޓާ (24 ގަޑިއިރަށް) ހަދިޔާކުރެވޭނެއެވެ. މިހާރު ލިބެން އޮތް މި އޮފާ ވެސް ހުކުރު ދުވަހުގެ ނިޔަލަށް ލިބޭނެއެވެ. 3. މިނިވަން ދުވަހު އުރީދޫ ނަމްބަރުތަކަށް ހިލޭ ކޯލާއި އެސް.އެމް.އެސް މިނިވަން ދުވަހުގެ އުފަލުގައި އެކަކު އަނެކަކާ ގުޅުން ބަދަހިކުރުމުގެ ފުރުސަތު ދިނުމުގެ ގޮތުން، ޕްރީޕެއިޑް ކަސްޓަމަރުންނަށް މިއަދު މެންދުރު 15:00 އިން ހަވީރު 16:00 އަށް އުރީދޫ ނަންބަރުތަކަށް ހިލޭ ކޯލާއި އެސް.އެމް.އެސް ކުރެވޭނެއެވެ. މިއީ ހަމައެކަނި ޕްރިޕެއިޑް ކަސްޓަމަރުންނަށް ޚާއްސަކޮށް ބައިވެރިވެވޭ އޮފާއެކެވެ. އުރީދޫގެ ކަސްޓަމަރުންނަށް އުރީދޫ އެޕް މެދުވެރިކޮށް މި އޮފާތައް އެކްޓިވޭޓްކޮށްލެވޭނެއެވެ. މިނިވަން ދުވަސް ފާހަގަކުރާއިރު، ކަސްޓަމަރުން އެކަކު އަނެކަކާ ގުޅުން ބަދަހިކޮށް، އުފާވެރިކަން ޙިއްޞާކޮށް، ހަލުވި ސްޕީޑްގެ ޑިޖިޓަލް ޚިދުމަތްތައް ތަޖުރިބާކުރުމުގެ ފުރުޞަތުތައް ފަހިކޮށްދިނުމަކީ އުރީދޫއަށް ލިބޭ ވަރަށް ބޮޑު އުފަލެއް ކަމަށް އެ ކުންފުނިން ބުނެއެވެ.