ހެވީ ލޯޑަށް ދޫކޮށްފައިވާ ތިން ރަށެއް ވިއްކައިލަން ސިވިލް ކޯޓުން ބީއެމްއެލްއަށް ހުއްދަދީފައިވީ ނަމަވެސް އެ ރަށްތައް ވިއްކައިލުން މަޑުޖައްސައިލަން ހައިކޯޓުން އެންގީ އެ ކޯޓުގައި ހިނގަމުންދާ މައްސަލައެއް ނިމެންދެނެވެ.
މަޝްހޫރު ވިޔަފާރިވެރިޔާ އަދި ރައްޔިތުންގެ މަޖިލީހުގެ ކުރީގެ ނައިބުރައީސް ރީކޯ މޫސާ މަނިކުގެ ހެވީ ލޯޑު ކުންފުނިން ނެގި ލޯނެއްގެ ފައިސާ ބޭންކް އޮފް މޯލްޑިވްސް (ބީއެމްއެލް)އަށް ނުދައްކައިގެ އެ ކުންފުނީގެ ނަމުގައި އޮތް ތިން ރަށެއް ވިއްކަން ސިވިލް ކޯޓުން ބޭންކަށް ހުއްދަދީފައި އޮތް ގޮތަށް އެ ރަށްތައް ނީލަންކިޔުން މަޑުޖައްސައިލަން ހައިކޯޓުން އަމުރުކޮށްފި އެވެ. 
މި ތިން ރަށަކީ ރީކޯ މޫސަ 2016 ވަނަ އަހަރު ބޭންކް އޮފް މޯލްޑިވްސްއިން ނެގި 11 މިލިއަން ޑޮލަރުގެ ލޯނެއް އަނބުރާ ނުދެއްކުމާ ގުޅިގެން 2020 ވަނަ އަހަރު އެ ބޭންކުން ކޯޓަށް ހުށަހެޅި މައްސަލައެއްގައި ސިވިލް ކޯޓުން އެ ރަށްތަކުގެ ހެޑް ލީސް ވިއްކައިލުމަށް ހުއްދަ ދީފައިވާ ތިން ރަށެވެ. އެ ތިން ރަށް ވިއްކުމަށް ބީއެމްއެލްއިން ހުޅުވާލާފައިވަނީ ދެ ގޮތަކަށެވެ. އެއީ:
މި ރަށްތަކުގެ ތެރެއިން ކުޑަފަރެހާއި ބޮޑު ފަރެސް އެއްކޮށްލައިގެން ހަދާފައި އޮންނަނީ ރަސްގެރަހާ ރިސޯޓެވެ. 
މި ރަށްތައް ނީލަން ކިޔާފައިވަނިކޮށް ސިވިލް ކޯޓުން އެ ރަށްތައް ނީލަންކިޔަން ބޭންކަށް ހުއްދަދީ ނިންމި މައްސަލަ ހެވީ ލޯޑުގެ ފަރާތުން ހައިކޯޓުގައި އިސްތިއުނާފުކުރުމާ ގުޅިގެން އެ ކޯޓުން މިއަދުވަނީ އެ ރަށްތައް ވިއްކުން ހުއްޓުވުމުގެ ވަގުތީ އަމުރެއް ނެރެފަ އެވެ. 
އެ އަމުރުގައިވާ ގޮތުން ސިވިލް ކޯޓުން ބޭންކަށް ދިން ހުއްދައާ އެއްގޮތަށް އަމަލުކުރުން މަޑުޖައްސައިލަނީ ހެވީ ލޯޑުން ހައިކޯޓަށް ހުށަހެޅި މައްސަލާގައި ގޮތެއް ނިމެންދެނެވެ. 
އަމުރުގައި ފާހަގަކުރި ގޮތުގައި މި މައްސަލާގައި ހެވީ ލޯޑުން ހައިކޯޓުގައި ފާހަގަކުރާ އެއް ނުކުތާއަކީ އެ ރަށްތައް ވިއްކައިލުމަށް ސިވިލް ކޯޓުން ހުއްދަދިނީ ރަށްތަކުގެ އަގުކުރުމާ ނުލައި ކަމަށްވުމެވެ. އެހެންކަމުން މައްސަލަ ނުނިމެނީސް ރަށްތައް ވިއްކައިފިނަމަ އެ މައްސަލައަށް އަސަރުކުރާނެ ކަމުގައި އަމުރުގައި ބުނެފައިވެ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ