މައުލޫމާތު ލިބިފައިވާ ގޮތުގައި އެރަށުން ކަރަންޓު ކެނޑިފައިވަނީ ހުކުރު ދުވަހު ހެނދުނު 8:00 އިން 10:15 އާއި ދޭތެރޭ ވަގުތެއްގައެވެ.
ކަރަންޓު ކެނޑުމުގެ ސަބަބުން އެރަށުގެ ބައެއް މީހުން ކަންބޮޑުވުން ފާޅުކޮށްފައިވާއިރު، ކަރަންޓު ދޭން ބޭނުންކުރާ 3 ޖެނެރޭޓަރވެސް ވަނީ ވަރަށް ބޮޑަށް ހަލާކުވެފައި ކަމަށާއި، ޖެނެރޭޓަރު ތަކުގެ "ޓެމްޕަރޭޗަރ ސެންސަރ" ހަލާކުވެގެން އެކަމަށް ހައްލެއް ހޯދަން އެދިފައިވާތާ މަހަކަށްވުރެ ގިނަ ދުވަސް ވެފައިވާ ކަމަށް ކުރިން އަތޮޅު ކައުންސިލަރަކަށް އުޅުއްވި އިބްރާހިމް ނިޝާމް (ކައުންޓޭ) ކުރެއްވި ޓްވީޓެއްގައި ވިދާޅުވެފައިވެއެވެ. 
@TeamFenaka in Rayyithunna @ibusolih ge sarukaara dheythereyga nafurathu ufehdhun hingaa jareemaa huttaalavvaa! M.Maduvvareege generator ge #TemeratureSensor halaakuvegen ekamah edhigen ulheythaa mahakahvure ginadhuvasvee. #ZimmaaNaganeeKaaku @Raajje_tv @Lucasjalyl @DhonIbbe pic.twitter.com/K4er7sU955
ރާއްޖެއެމްވީއަށް މައުލޫމާތު ދެއްވަމުން ނިޝާމް ވިދާޅުވީ ރައީސް އަބްދުﷲ ޔާމީންގެ ކެމްޕެއިން ތެރޭގައި އެރަށަށް ޖެނެރޭޓަރެއް ހަދިޔާކޮށްފައިވާ ކަމަށާއ، ނަމަވެސް 2 ހަފްތާ ނުވަނިސް އެ ޖެނެރޭޓަރުގެ ޓެމްޕަރޭޗަރ ސެންސަރ ހަލާކުވެފައިވާ ކަމަށެވެ. އަދި މިވަގުތު ކަރަންޓު އައިސްފައިވާ ނަމަވެސް މިއީ ދާއިމީ ހައްލެއް ނޫން ކަމަށް ނިޝާމް އިތުރަށް ވިދާޅުވިއެވެ. 
މިހާރު ކަރަންޓު އަނބުރާ އައިސްފައިވާއިރު، މިކަމާ ގުޅޭގޮތުން އިތުރު މައުލޫމާތު ދެވެން ނެތް ކަމަށް ރާއްޖެއެމްވީއާ ވާހަކަދައްކަވަމުން މ.މަޑުއްވަރީ ފެނަކަ ބްރާންޗުގެ އެސިސްޓެންޓް މެނޭޖަރ އަހުމަދު ޝަހީދު ވަނީ ވިދާޅުވެފައެވެ.
މ.މަޑުއްވަރީން ކަރަންޓު ދިއުމުގެ ސަބަބުން މިދިޔަ އަހަރުވެސް ގިނަ ބަޔަކު ވަނީ އެކަމާ ކަންބޮޑުވުން ފާޅުކޮށްފައެވެ. އެގޮތުން ރަށުގެ އާ އިމާރާތަށް ޖަނަރޭޓަރުތައް ބަދަލުކުރި ފަހުން އެ ރަށުގެ ރައްޔިތުންނަށް އެކަށީގެންވާ ކަރަންޓުގެ ހިދުމަތް ފޯރުކޮށް ނުދެވޭ ކަމަށާއި، އިރުއިރުކޮޅާ ރަށުން ކަރަންޓުގެ ހިދުމަތް މެދުކެނޑުމުގެ ސަބަބުން ސޫކުލްތަކުގެ ކޮމްޕިއުޓަރު ތަކަށާއި ކަރަންޓު ސާމާނުތަކަށް އެކި ވަރުގެ ގެއްލުންތައް މިދިޔަ އަހަރުވެސް ލިބިފައިވާ ކަމަށް ރާއްޖެއެމްވީއަށް މައުލޫމާތު ލިބިފައިވެއެވެ.
މ މަޑުއްވަރީން ކަރަންޓް ކެނޑޭތީ މިދިޔަ އަހަރު ރައްޔިތުން އިންޖީނުގެ ދޮށަށް އެއްވެ ވަނީ މުޒާހަރާވެސް ކޮށްފައެވެ.
ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.
އަންތަރީސް ވެއްޖެ
އުފާ ވެއްޖެ
ދެރަ ވެއްޖެ
ރުޅި ގަދަ ވެއްޖެ
މޮޔަވެއްޖެ
ދެން އަތްޖަހާ