މާލެ ސަރަހައްދުން މި ހިނގާ އެޕްރީލް މަހު 11 ވަނަ ދުވަހު ރެކޯޑު އަދަދަކަށް ކަރަންޓް ބޭނުން ކޮށްފައިވާ ކަމަށް ސްޓެލްކޯގެ މެނޭޖިންގ ޑައިރެކްޓަރ އަހުމަދު ޝަރީފް ވިދާޅުވެއްޖެއެވެ.
ޝަރީފް ކުރެއްވި ޓުވީޓެއްގައި ވިދާޅުވީ، މި މަހުގެ 11 ވަނަ ދުވަހު 92.5 މެގަވޮޓަށްވުރެ މަތިން ކަރަންޓް ބޭނުން ކޮށްފައިވާ ކަމަށާއި، މިއީ މިހާތަނަށް މާލެ ސަރަހައްދުން އެންމެ ގިނައިން ކަރަންޓް ބޭނުންކުރި ދުވަސް ކަމަށެވެ.
މީގެއިތުރުން ސްޓެލްކޯގައި 120 މެގަވޮޓްގެ ކަރަންޓް އުފެއްދުމުގެ ގާބިލްކަން ލިބުނު ނަމަވެސް ކަރަންޓް އިގްތިސޯދު ކުރުމަށް ޝަރީފް ވަނީ އިލްތިމާސް ކުރައްވާފައެވެ.
މިދުވަސްވަރަކީ ރާއްޖެއަށް ހޫނު ގަދަ ދުވަސްވަރަކަށް ވުމާއެކު، ކަރަންޓް ބޭނުންކުރާވަރު ވަނީ އިތުރުވެފައެވެ.