އިންޑިއާގެ ސިނަމާގައި ދެވޭ އެންމެ ޝަރަފުވެރި އެވޯޑް ކަމަށްވާ 72 ވަނަ ގައުމީ ފިލްމް އެވޯޑްސް މި އަހަރު ކާމިޔާބުކުރި ފިލްމުތަކާއި އާޓިސްޓުންގެ ނަންތައް އިއްޔެ އިއުލާންކޮށްފި އެވެ.
މި ފަހަރުގެ އެވޯޑްގައި އެންމެ ބޮޑު ޝަރަފެއް ހޯދާފައި ވަނީ ބޮލީވުޑްގެ ތަރި ޔާމީ ގޯތަމް އާއި އޭނާގެ ފިލްމު "އާޓިކަލް 370" އެވެ.
މި ފަހަރުގެ އެވޯޑްގައި އެންމެ މޮޅު ފީޗާ ފިލްމުގެ އެވޯޑް ކާމިޔާބުކުރީ ސިޔާސީ ތުރިލާ ފިލްމު "އާޓިކަލް 370" އެވެ. އަދި އެ ފިލްމުގައި ދެއްކި މޮޅު ހުނަރާ އެކު، ފިލްމުގެ ލީޑް އެކްޓްރެސް ޔާމީއަށް ވަނީ އޭނާގެ ކެރިއަރުގެ ފުރަތަމަ ގައުމީ އެވޯޑް ނުވަތަ އެންމެ މޮޅު އެކްޓްރެސްގެ އެވޯޑު ލިބިފަ އެވެ.
މި ކާމިޔާބީއާ އެކު ޔާމީ ބުނެފައި ވަނީ މިއީ އޭނާގެ 14 އަހަރުވީ ފިލްމީ ކެރިއަރުގައި ދެކެމުން އައި ވަރަށް ބޮޑު ހުވަފެނެއް ހަގީގަތަކަށް ވުން ކަމަށެވެ.
މީގެ އިތުރުން، އެ ފިލްމުގެ މިއުޒިކް ޑައިރެކްޓަރު ޝާޝްވަތު ސަޗްދޭވް ވެސް ވަނީ އެންމެ މޮޅު މިއުޒިކް ޑައިރެކްޝަންގެ އެވޯޑް ހާސިލްކޮށްފަ އެވެ.
މި ފަހަރުގެ އެންމެ މޮޅު އެކްޓަރުގެ އެވޯޑް ވަނީ ދެ ތަރިއަކަށް ލިބިފަ އެވެ. އެއީ؛
އިންޑިއާ ސަރުކާރުން ދޭ ގައުމީ ފިލްމު އެވޯޑްގެ ރަސްމީ ހަފުލާ ބާއްވާ ދުވަހެއް އަދި އިއުލާނެއް ނުކުރެ އެވެ.