ސައީދު އެވެ. މި ފަޅަށް ޓޫރިޒަމްގެ މަޝްރޫއެއް ގެނެސްދީ ބަލާށެވެ!

އިކޮނޮމިކް މިނިސްޓަރު މުހައްމަދު ސައީދު އަށްވެދުން ސަލާމްއަށްފަހު ދަންނަވަމެވެ.ސައީދު އެވެ. އުތުރަށް ޓޫރިޒަމް ގެންދިއުމަކީ ރައީސް މައުމޫންގެ ދައުރުން ފެށިގެން ވެސް ކުރަމުން އައި އުންމީދެކެވެ. "އައި ހެވަން" އާއި "ޕްރޮޖެކްޓް ސަންރައިޒް" ނަންނަމުގައި އެކި ގޮތްގޮތަށް އެ މަސައްކަތް އޭރުން ފެށިގެން ވެސް އަންނަނީ ކުރަމުންނެވެ. އުތުރުގައި ޓޫރިޒަމް ކާމިޔާބު ކުރެވޭތޯ އެކި ސިފަސިފައިގައި، އެކި ގޮތްގޮތަށް، އަދި އެކި ޕްލޭންތަކުގައި މަސައްކަތް ކުރެވިއްޖެ އެވެ. ނަމަވެސް ދެމެހެއްޓެނިވި ކުލަ އެއް ނުޖެހުނެވެ. ސައީދު އެވެ. އުތުރުގެ ހުރިހާ ދާއިރާއަކުން ވެސް އެންމެން ވެސް އެއްބަސްވާ ކަމަކީ، ޓޫރިޒަމް މަޝްރޫތައް ތިލަދުން މަތީގައި މަދުކަމެވެ. ރާއްޖޭގެ އިގްތިސާދު ރަންބިސް އަޅާ ކުކުޅު ތިލަދުންމަތީގައި މަދުކަމެވެ. އެއިން ކުކުޅަކުން އަޅާ ބިހެއް އުތުރަށް ލިބޭލެއް ވަރަށް މަދެވެ.ސައީދު އެވެ. މިކަމަށް ހައްލެއް ހޯއްދަވާ ދެއްވުމަށް ސިޔާސީން ގިނަ ވައުދުތަކެއް ވެއެވެ. ނަމަވެސް އެ ވައުތަކުގައި އަދި ކުލަ ނުޖެހެނީ އެވެ. އިގްތިސޯދީ ބޮޑެތި އިންވެސްޓަރުން ރާއްޖޭގައި ގިނަ އިންވެސްޓްތަކެއް ކުރަމުން އަންނައިރު އިގްތިސޯދީ ވަޒީރުކަން މިހާ ގިނަ ދުވަހު އަދާކުރެއްވި ތިލަދުންމަތީ ބޭފުޅަކު ސައީދު ނޫނީ ނެތޭ ބުނެވިދާނެ އެވެ.ޔާމީން ވެރިކަމުގެ ފަސް އަހަހަރާއި އަދި މިހާރު ރައީސް ޑރ. މުއިއްޒުގެ ވެރިކަމުގައި ވެސް އިގްތިސޯދީ ކުރިއެރުމާއި އިންވެސްޓަރުންނާއި އެންމެ ގާތުގައި ހުންނެވި ވަޒީރަކީ މަނިކުފާނު - އިކޮނޮމިކް މިނިސްޓަރު މުހައްމަދު ސައީދު އެވެ. ނަމަވެސް މުޅި ތިލަދަުން މަތީގެ އިގްތިސޯދީ ހަރަކާތް ފެންނަނީ ދުވެލި މަޑުކޮށެވެ. ސައީދު އެވެ. ތިހެން ނުހައްދަވާ މަނިކުފާނު ހިމެނޭ ހޯރަފުށީ ދާއިރާ ހިމެނޭހެން އުތުރަށް އަދި ވަކިން ހާއްސަކޮށް ހޯރަފުށީ ފަޅަށް ނިކަން ވަރު ހުރި "ޓޫރިޒަމްގެ މަޝްރޫއެއް ގެނެސްދީ ބަލާށެވެ!" މިހެން ވެއްޖެ ނަމަ މި އުތުރުގެ ރައްޔިތުން ވެސް ވަރަށް ހެޕީ ވާނެ އެވެ. މަނަފަރުން އޮތުމުން ވެސް މި ދާއިރާގެ ޒުވާނުން ނަށް ހާދަ ފުރުސަތެއް ލިބެ އެވެ. ސައީދު އެވެ. ހޯރަފުށީ ފަޅުގައި ހާދަ ފަޅު ރަށެއް އެބަހުއްޓެވެ. ނިކަން މިއިން ރަށެއް ބޭރުގެ ބަޔަކާއި ހަވާލުކުރުމަށް މަސައްކަތް ތަކެއް ކޮށްދެއްވަ ބައްލަވާށެވެ. ދާއިރާއާއި މުޅި ރާއްޖޭގެ އިގްތިސޯދީ ދުޅަހެޔޮކަމަށް ޓަކައި އެވެ. ވަޒީރުކަމުން ލިބޭ މޮޅުން ބައެއް ރައްޔިތުންނަށް ވެސް ދީ ބަލާށެވެ.އުތުރަށް ކާމިޔާބު ޓޫރިޒަމެއް ގެންދިއުމަކީ އުތުރު ރައްޔިތުންގެ ވަރަށް ބޮޑު ހުވަފެނެކެވެ. އެކަމަކު އެ ހުވަފެން އަދިވެސް ހަގީގަތަކަށް ނުވެ އެވެ. ވާނެ ގޮތެއް އަދި ނުވެސް ފެނެ އެވެ! ރައްޔިތުން ތިބީ އެކަމަކު "ހުވަފެނެއްގައި" އެވެ.ސައީދު އެވެ. މިކަމުގައި އަޅުގަނޑުމެނަށް ކޮޅެއް މެދެއް ހޯދަދީފިނަމަަ ވަރަށް ޝުކުރުވެރި ވާނަމެވެ. ހޯރަފުށީ ފަޅުން އެ ފެންނަ ގުދުރަތީ ރީތިކަމުގެ ހަމަ އަޖައިބެއްހާ ރީތި ރަށްތަކުން އިގްތިސޯދީ މޮޅެއް ހޯދުމަށް އާ ހިތްވަރަކާއިއެކު އުޅެދޭށެވެ. ސައުދީގެ ބާރުގަދަ ވަލީ އަހުދު، އަދި މިހާރު ބޮޑުވަޒީރު މުހަންމަދު ބިން ސަލްމާނަށް ގުޅުއްވައިގެން ވިޔަސް ހެޔޮ އެވެ. ނުވަތަ މިފަހުން ރާއްޖެއަށް ޒިޔާރަތް ކުރި "ފޭކް ޕްރިންސް"، ފަހުދު ސައުދު އަލް ޝަލަން އަށް ވާހަކަ ދެއްކެވިޔަސް އަޅުގަނޑުމެންގެ މައްސަލައެއް ނެތެވެ. އަޅުގަނޑުމެން ބޭނުމީ ރަށުން ނުވަތަ ރަށާއި ގާތުން ވަޒީފާ އެވެ.ޝުކުރިއްޔާ އުތުރުގެ ޒުވާނެއް
އަރުޝީފަށް ނެގީ
އެންމެފަހުން އަޕްޑޭޓްކުރީ