މިދިޔަ ހަފުތާތަކުގެ ތެރޭގައި ގޭހުގެ ޑިމާންޑް އާދަޔާޚިލާފަށް އިތުރުވުމާ ގުޅިގެން، މޯލްޑިވްސް ގޭހުން ވަނީ ގޭސް ވިއްކުން ލިމިޓްކޮށްފައެވެ. އެގޮތުން 10 ކިލޯގެ ގޭސް ފުޅީގެ ބަދަލުގައި ޑިސްކައުންޓް ރޭޓުތަކެއްގައި ވިއްކަމުން ދިޔައީ ފަސް ކިލޯގެ ގޭސް ފުޅިއެވެ.
މިވަގުތު މާލޭ ސަރަހައްދުގައި އެސްޓީއޯއިން 1000 ޓަނުގެ ސްޓޯރޭޖެއް ބޭނުން ކުރަމުންދާއިރު، އަމިއްލަ ކުންފުންޏެއް ކަމަށްވާ ވިލާއިންވެސް ގެންދަނީ ސްޓޯރޭޖެއް ބޭނުންކުރަމުންނެވެ. ގޭހުގެ ރައްކާތެރިކަން އިތުރުކުރުމަށްޓަކައި މާލެ ސަރަޙައްދުގައި އިތުރު 1500 ޓަނުގެ ގޭސް ސްޓޯރޭޖެއް ތަރައްގީ ކުރުމުގެ މަސައްކަތް ސަރުކާރުން މިހާރު ވަނީ ފަށާފައެވެ.