މިދިޔަ ނޮވެމްބަރު މަހުން ފެށިގެން ގެއްލިގެން ހޯދަން މަސައްކަތްކުރާ މީހެއްގެ މައުލޫމާތު ފުލުހުން މިއަދު އާންމުކޮށްފި އެވެ.
ވީކިހިނެއް؟ - ފުލުހުން މިއަދު ބުނި ގޮތުގައި، ގެއްލިގެން ހޯދަމުން ދަނީ އަބްދުއްއަޒީޒު މުހައްމަދު، 64، ދުންފިނިގެ/ފުވައްމުލަކެވެ.
ތަފްސީލް - ފުލުހުން ބުނި ގޮތުގައި، އޭނާއަކީ މުދާ އުފުލާ ދޯނިފަހަރުގައި މަސައްކަތްކުރާ މީހެކެވެ. އެގޮތުން:
އޭނާގެ ހަބަރެއް އާއިލާއަށް އެންމެ ފަހުން ވެފައިވަނީ މިދިޔަ 3 ސެޕްޓެމްބަރުގައި 
އޭނާގެ އާއިލާގެ މީހަަކަށް މިދިޔަ ނޮވެމްބަރު މަސް ތެރޭ އައިޖީއެމްއެޗު ކައިރިން އޭނާ ފެނުނު ކަމަށް ފުލުހުންނަށް މައުލޫމާތު ދީފައިވޭ
ނަމަވެސް، މިހާތަނަށް ކުރި މަސައްކަތުން އޭނާއާ ބެހޭ އެއްވެސް މައުލޫމާތެއް ނުވަތަ އުޅޭ ތަނެއް ދެނެގަނެވިފައި ނުވާ ކަމަށް ފުލުހުން ބުންޏެވެ.
އަޒީޒާ ގުޅޭ އެއްވެސް މައުލޫމާތެއް ލިބިފައިވާ ނަމަ، 3322111އަށް ނުވަތަ ފުވައްމުލައް ޕޮލިސް ސްޓޭޝަންގެ ނަންބަރު 9792803އަށް ގުޅައި ހިއްސާކުރުމަށް ފުލުހުން އެދިފައިވެ އެވެ.