ދުނިޔޭގެ ކަންކޮޅުތަކަށް ބަލާއިރު އެތައް މިލިއަން މީހުންނަށް ކުރިމަތިވެފައިވާ އެންމެ ބޮޑު މައްސަލައަކީ ކިޑްނީ ބައްޔެވެ. އެތައް މިލިއަން މީހުންނަށް ފުރާނައާއި ހަނގުރާމަކުރަންޖެހިފައިވާ ބައްޔަކީ ކިޑްނީ ބައްޔެއްވެ. ޑައިލިސިސް ހެދުމަކީ ޙައްލެއް ނޫންއިރު އެކަމުން ހަށިގަނޑަށް ލިބޭ ތަކްލީފްތަކާ އަޅާވޭންވެސް އެހައިބޮޑެވެ. 
ދިރާސާތަކުން އެނގޭ ގޮތުގައި ހަށިގަނޑަށް ފައިދާހުރި ކާނާ، ރަނގަޅު މިންވަރަށް ކެއުމާއި ކަސްރަތުކުރުމަކީ ކިޑްނީގެ ބަލިތަކުން ދުރުހެލިކޮށްދޭ ކަމެކެވެ. ހަމައެޢާއިއެކު ފަހުގެ ދިރާސާތަކުން އެނގެނީ އެއްގަމުމަސް ކެއުން މަދުކޮށް ތަރުކާރީގެ ބާވަތްތަކާއި ފަތްޕިލާވެލި ކެއުން ގިނަކުރުމަކީވެސް ކިޑްނީގެ ބަލިތަކުން ދުރުހެލިކޮށްދޭ ކަމެއް ކަމެވެ. 
ހަމައެއާއިއެކު މަހުގެ ތެރެއިންވެސް ފަރުމަސް ކެއުމަށް އިސްކަންދިނުމަކީ ފައިދާހުރިކަމެކެވެ. މަސްވިޔަސް އެއްގަމުމަސްވިޔަސް ރަނގަޅީ ޑޮކްޓަރުންދޭ އިރުޝާދާއި އެއްގޮތަށް ކެއުމެވެ. އިރުޝާދުދޭ މިންވަރަށް ކެއުމެވެ. 
ތަރުކާރީގެ ބާވަތްތައް ގިނައިން ކެއުމަށް އަންނަނީ ތަރުޙީބް ބޮޑުވަމުންނެވެ. ވެޖިޓޭރިއަން ފުޑް ކާން ބޭނުންވާ މީހުން އަންނަނީ ގިނަވަމުންނެވެ. ދެން ބުނެލަން ބޭނުންވަނީ ބިމުގައި ހައްދާ ބާވަތްތައް ބޭނުންކުރުން އިތުރުކުރުމަށާއި ފެނުގައާއި ތަފާތު ބޭސްތައް ބޭނުންކޮށްގެން ހައްދާ ތަރުކާރީގެ ބާވަތްތައް ކެއުން މަދުކުރުމަށެވެ. ހަށިގަނޑަށް ލިބެންވާ ފައިދާކުރާނީ އެއިރުންނެވެ.
 
- މަޢުލޫމާތު: ޞިއްޙީ ފަރުވާ