މެދުއިރުމަތީގައި މިހާރު ހިނގަމުންދާ ހަނގުރާމައިގެ ތެރެއިން އެމެރިކާއިން އިރާނަށް ދެމުންދާ ހަމަލާތަކަށް މިހާތަނަށް 6 ބިލިއަން ޑޮލަރު ހޭދަވެފައިވާ ނިއު ޔޯކް ޓައިމްސްއިން ރިޕޯޓުކޮށްފި އެވެ.
ނިއު ޔޯކް ޓައިމްސްއިން މިފަދައިން ރިޕޯޓުކޮށްފައިވަނީ މިރޭ އެމެރިކާގެ ގާނޫނު ހަދާ މަޖިލިސް ކޮންގްރެސްއަށް ޕެންޓަގަންގެ އޮފިޝަލަކު މައުލޫމާތު ދީފައިވާ ކަމަށް ބުނެއެވެ.
ނިއުޔޯކް ޓައިމްސްއިން މިރޭ ރިޕޯޓުކޮށްފައިވާ ގޮތުގައި ހަފްތާއެއްހާ ދުވަހުގެ ތެރޭގައި އިރާނަށް ހަމަލާދިނުމަށްޓަކައި އެމެރިކާ އަސްކަރިއްޔާއިން 6 ބިލިއަން ޑޮލަރަށްވުރެ ގިނަ ފައިސާ ވަނީ ހަރަދުކޮށްފައެވެ. އޭގެ ތެރޭގައި ހަތިޔާރަށް އެކަނިވެސް 90 އަށްވުރެ ބޮޑު އިންސައްތައެއް ބޭނުންކޮށްފައިވާކަމަށް ނިއު ޔޯކް ޓައިމްސްއިން ވަނީ ބުނެފައި އެވެ.
އެމެރިކާ އިސްވެ އޮވެ އިސްރާއީލުގެ ބައިވެރިވުމާއިއެކު އިރާނާއި ދެކޮޅަށް ފެށި ހަނގުރާމާގައި އެމެރިކާ އަސްކަރިއްޔާގެ އެންމެ ބޮޑެތި ހަތިޔާރުތައްވެސް ދަނީ ބޭނުންކުރަމުންނެވެ. ނަމަވެސް މި ހަނގުރާމާގައި އިރާނުގެ ސުޕްރީމް ލީޑަރު އާޔަތުالله އަލީ ޚާމަނީއާއި އިރާނުގެ އިސްވެރިންތަކެއް އަވަހާރަކޮށްލުން ފިޔަވައި އިތުރު އެއްވެސް މަގުސަދެއް ހާސިލުވެފައި ނުވެއެވެ. މި ހަމަލާތައް ފެށުމާއިއެކު އިރާނުން ދޭން ފެށި ރައްދު ހަމަލާތަކަށް އެކަނިވެސް އެމެރިކާއިން ދަނީ ބިލިއަނުން ހަރަދުކުރަމުންނެވެ. އެގޮތުން އަސްކަރީ ބޭސްތަކަށް އިރާނުން އަމާޒުކުރަމުންދާ ހަމަލާތަކުން ސަލާމަތްވުމަށް އެމެރިކާއިން ގިނަ މަސައްކަތްތަކެއް ކުރަމުންދިޔަ ނަމަވެސް އެބޭސްތަކަށް ބޮޑެތި ގެއްލުންތަކެއް ވަނީ ވެފައި އެވެ.
އަދި މި ހަމަލާތަކުގައި އިރާނުން މިހާތަނަށް އެމެރިކާގެ 6 ސިފައިން މަރާލިކަންވެސް މިހާތަނަށް ވަނީ ކަށަވަރުވެފައި އެވެ.