މޯލްޑިވްސް ބްރޯޑްކާސްޓިން ކޯޕަރޭޝަން (އެމްބީސީ) ގެ ކަރަންޓު ބިލްތަކަށް 7.1 މިލިއަން ރުފިޔާ ނުދައްކާ އޮވެގެން ކަރަންޓް ކަނޑާލަން ސްޓެލްކޯ އިން އެ ތަނަށް ދިޔުމުން ގޭޓް ލައްޕައިފި އެވެ.ނަމަވެސް އެ ތަނުގެ އިސްވެރިން ނުކުމެ، މިހާރު ވަނީ ސްޓެލްކޯގެ މީހުން ވައްދާފަ އެވެ.ޓީވީއެމް އާއި ދިވެހިރާއްޖޭގެ އަޑު ހިންގާ ކުންފުނީގެ އިމާރާތުގެ ބޭރުގައި ސްޓެލްކޯގެ ތިން މީހަކު މަޑުކޮށްގެން ތިއްބެވެ. އެ މީހުން އެ ތަނަށް ނުވެއްދުމުން ފުލުހުންގެ އެހީތެރިކަމަށް އެދި ފުލުހުންނަށް ފޯނު ވެސް ކުރި އެވެ. ނަމަވެސް ފަހުން ވަނީ އެ މީހުން ވައްދާފަ އެވެ.އެމްބީސީން ނުދައްކާ އޮތީ ފަސް މަސް ދުވަހުގެ ކަރަންޓު ބިލެވެ.