މީގެ ކުރީގެ އަހަރުތައް ފަދައިން މިފެށުނު އާ އަހަަރަކީ ވެސް ބޮލީވުޑްގެ ސިނަމާތަކަށް ވަރަށް ބާރުބޮޑު އަހަރަކަށް ވާނެ ކަމަށް ބެލެވެ އެވެ. 2018 ވަނަ އަހަރު ރިލީޒް ކުރުމަށް ހަމަޖެހިފައިވާ ފިލުމުތައް އެހާވެސް ގިނަ އެވެ.
އަހަރުގެ އެންމެ ފުރަތަމަ ފިލުމަކަށް ސްކްރީންތަކާ ހަމައަށް އަންނާނީ ސައިފް އަލީ ހާންގެ 'ކާލަކާނޑި' އެވެ. މި ފިލުމު ރިލީޒް ކުރުމަށް ހަމަޖެހިފައިވަނީ މިމަހުގެ 12 ވަނަ ދުވަހު އެވެ.
އިންޑިއާގެ ޖުމްހޫރީ ދުވަސް ކަމަށްވާ ޖެނުއަރީ މަހުގެ 26 ވަނަ ދުވަހު ވެސް ބޮލީވުޑްގެ އިތުރު ދެ ފިލްމެއް ރިލީޒްކުރުމަށް ހަމަޖެހިފައިވެ އެވެ. އެއީ އަކްޝޭ ކުމާރްގެ 'ޕެޑްމޭން' އާއި ސިދްހާތް މަލްހޮޓްރާ އާއި މަނުޖް ބަޖްޕާއީގެ 'އައިޔާރީ' އެވެ.