ރާއްޖޭގައި މީހުން ދިރިއުޅޭ ރަށްތަކުގެ ތެރެއިން އެންމެ މަދުން މީހުން ދިރިއުޅޭ ރަށްތަކުގެ ތެރޭގައި ހިމެނޭ މ. ރަތްމަންދޫ މީހުން އެރަށުން ފައިބައި އެހެން ރަށަކަށް ހިޖުރަކުރަން ތައްޔާރަށް ތިބި ކަމަށް ރަތްމަންދޫ ކައުންސިލް އިދާރާއިން ބުނެފި އެވެ.
ރަތްމަންދޫ ރައްޔިތުން އެހެން ރަށަކަށް ހިޖުރަކުރުމާ ގުޅޭގޮތުން ވީނިއުސްއަށް މައުލޫމާތު ދެއްވަމުން ރަތްމަންދޫ ކައުންސިލްގެ ރައީސް އަލީ ރިޔާޒު ވިދާޅުވީ އެރަށުގެ ރައްޔިތުން އެހެން ރަށަކަށް ބަދަލުވުމަށް ރައްޔިތުން ބޭނުންވާ ކަމަށެވެ. އެހެން ރަށަކަށް ބަދަލުވުމަށް ރަތްމަންދޫ ރައްޔިތުންގެ ތެރެއިން 97 އިންސައްތަ ރައްޔިތުން ސޮއިކޮށް މީގެ އަހަރެއްވަރު ކުރިން ސަރުކާރަށް ޕެޓިޝަނެއްވެސް ހުށަހަޅާފައިވާނެ ކަަމަށާއި ނަމަވެސް މިހާތަނަށް ސަރުކާރުގެ އެއްވެސް އިދާރާއަކުން މިޕެޓިޝަނަށް ޖަވާބެއް ދީފައި ނުވާ ކަމަށްވެސް ވިދާޅުވި އެވެ.