ރިޔާސީ ލޯންޗް "ފިނިފެންމާ" ގައި ހިނގާދިޔަ ހާދިސާ އާއި ގުޅިގެން ނައިބު ރައީސް އަހްމަދު އަދީބު 15 ދުވަހުގެ މުއްދަތަށް ބަންދު ކުރުމާއި ގުޅިގެން އެމަނިކުފާނުގެ ފަރާތުން ހައި ކޯޓުގައި އިސްތިއުނާފު ކުރި މައްސަލައިގެ އަޑުއެހުމެއް ތާވަލް ކޮށްފިއެވެ.
މި އަޑުއެހުން ތާވަލްކޮށްފައި ވަނީ މިއަދު ހަވީރު 16:45 އަށެވެ.
ނައިބު ރައީސްގެ މައްސަލަ މިއަދު ހައި ކޯޓުން ބަލައިގެންފައި ވާއިރު، ރައީސުލްޖުމްހޫރިއްޔާގެ ރިޔާސީ ލޯންޗުކޮޅު "ފިނިފެންމާ" ގައި އެއްޗެއް ގޮވި ހާދިސާއާއި ގުޅިގެން ގައުމަށް ހިޔާނާތްތެރިވުމުގެ ތުހުމަތުގައި ސަލާމަތީ ބާރުތަކުގެ ބެލުމުގެ ދަށަށް ގެންދިއުމަށްފަހު ނައިބު ރައީސްގެ ބަންދަށް 15 ދުވަސް ޖަހާފައި ވަނީ މިދިޔަ މަހުގެ 25 ވަނަ ދުވަހުއެވެ.
ނައިބު ރައީސްގެ އިތުބާރު ނެތްކަމުގެ މައްސަލަ މިހާރު ވަނީ މަޖިލީހަށް ފޮނުވާފައެވެ.