"ވާރޭވެހުން ފަދަ ޢުޛުރެއް ނެތް ނަމަ ޢީދުނަމާދުކުރަންވާނީ މައިދާނެއްގައި، ޟުޙާ ނަމާދު ވަގުތު، (އިރުއަރާތާ 15 މިނިޓްއިރު ފަހުން) ފެށުމާއިއެކު، ކުރެވިދާނެ! ކޮންމެހެން 7.30 އަށް މަޑުކުރާކަށް ނުޖެހޭނެ!" -ޑރ. މުޙައްމަދު އިޔާޟް ޢަބްދުއްލަޠީފް 
ޑރ. އިޔާޟް މިފަދަ ބަސްފުޅެއް ވިދާޅުވެފައިވަނީ މިސްކިތުގައި ޖަމާޢަތުގައި ނަމާދުކުރުމާ ވަރަށް ބޮޑަށް ދެކޮޅު ހަދަމުންގެންދާ އެޗްޕީއޭއިން މިއަހަރުގެ ބޮޑުޢީދު ނަމާދު މައިދާނުގައިކުރުން ހުއްޓުވާފާނެ ކަމުގެ ބިރު ވަރަށް ބޮޑުވެފައިވާ ވަގުތެއްގައެވެ. 
މިސްކިތްތަކުގައި ޖަމާޢަތުގައި ނަމާދުކުރަން ހޭދަވާ 5 -15 މިނިޓުގެ ނުރައްކާ ރެޑްއެލަރޓަށް ލައިގެން އެޗްޕީއޭއިން "ގޭސް އަނބުރަމުން" ގެންދާއިރު މިސްކިތަށް ޖަމާވާ މީޙުންގެ އެތައް ގުނައަކަށް ރެސްޓޯރަންޓުތަކުގައި ޖެހިޖެހިގެން ގަޑިއެއްގެ އިރު ހޭދަކުރާތީ ކަންބޮޑުވާ ބައަކު ނެތެވެ. އެތައް ސަތޭކަމީހުން ޖެހިޖެހިގެން ތިބެ މަޖީދީ މަގުގައި ހަދާ ކިޔޫތަރުތީބުކޮށްދެނީ ފުލުހުންނެވެ.