ބޭންކު އޮފް މޯލްޑިވްސް (ބީއެމްއެލް) ގެ ބީއެމްއެލް އިސްލާމިކުގެ 10 ވަނަ އަހަރީ ދުވަސް ފާހަގަ ކުރުމުގެ ގޮތުން، އެ ބޭންކުގެ 10 ކަސްޓަމަރަކަށް ހައްޖު ދަތުރު ލިބޭ ހާއްސަ ޕްރޮމޯޝަނެއް ފަށައިފި އެވެ.
މި ޕްރޮމޯޝަނުގައި، ބީއެމްއެލް އިސްލާމިކްގެ ހިދުމަތްތައް މިހާރު ބޭނުން ކުރަމުންދާ ކަސްޓަމަރުންނާއި، އަލަށް ހިދުމަތް ބޭނުންކުރަން ފަށާ ކަސްޓަމަރުންގެ ތެރެއިން ފައިނޭންސިން ފެސިލިޓީއެއް ބޭނުންކުރަމުންދާ ކަސްޓަމަރުންނާއި، މުސާރަ ޖަމާކުރާ ކަސްޓަމަރުންގެ އިތުރުން ޖެނެރަލް އިންވެސްޓްމެންޓް އެކައުންޓް ނުވަތަ އިސްލާމިކް ކްރެޑިޓް ކާޑު ބޭނުންކުރާ ކަސްޓަމަރުންނަށް ބައިވެރިވެވޭނެ އެވެ.
މި ޕްރޮމޯޝަންގެ ހައްޖު ދަތުރުތަކުގެ ހުރިހާ ހަރަދުތަކެއް ބީއެމްއެލްއިން ފޯރުކޮށްދޭނެ ކަމަށާއި މި ޕްރޮމޯޝަން ކުރިއަށް ދާނީ މި އަހަރުގެ ނޮވެންބަރު މަހުގެ ނިޔަލަށް ކަމަށް ބީއެމްއެލް އިން ބުނެފައިވެއެވެ.
10 ކަސްޓަމަރަކަށް ހައްޖު ދަތުރު ލިބޭ ހާއްސަ ޕްރޮމޯޝަނެއް ބީއެމްއެލް އިސްލާމިކުގެ 10 ވަނަ އަހަރީ ދުވަސް ފާހަގަ ކުރުމުގެ ގޮތުން ފަށާފައިވާއިރު ހަމަ އެދުވަހާ ގުޅުވައިގެން ތިން އަތޮޅެއްގައި ހިންގަމުން އައި ބީއެމްއެލްގެ ބްރާންޗްތައް ވަނީ ރީބްރޭންޑްކޮށްފައެވެ.