މޫސުން ގޯސްވުމުގެ ސަބަބުން އިއްތިހާދު އެއާވޭސްގެ ބޯޓެއް، ވެލާނާ އިންޓަރނޭޝަނަލް އެއާޕޯޓް ރަންވޭގައި ނުޖެއްސި ގަޑިއިރެއްހާ ވަގުތު މަތީގައި ހޭދަކޮށްފިއެވެ.
ފްލައިޓް ޝެޑިއުލް ޑޭޓާއިން އެނގޭގޮތުގައި އިއްތިހާދު އެއާވޭސްގެ ފްލައިޓް އީވައި-378 ވީއައިއޭއަށް ޖައްސަން ޝެޑިއުލްކޮށްފައިވަނީ އޮތީ ފަތިހު 05:05 ގައެވެ. ނަމަވެސް އެ ފްލައިޓަށް ޖެއްސުނީ 06:52 ގައެވެ. އޭވިއޭޝަންގެ ހަބަރުތައް ގެނެސްދޭ އޭވިއޭޓާ މޯލްޑިވްސްއިން ބުނީ، މޫސުން ގޯސްވުމުގެ ސަބަބުން ވީއައިއޭގެ ރަންވޭގައި ބޯޓު ނުޖެއްސި ގަޑިއިރެއްހާ ވަގުތު މަތީގައި ހޭދަކޮށްފައިވާކަމަށެވެ. މި ފްލައިޓް މާލެ އައިސްފައިވަނީ ދުބާއީން ފުރައިގެންނެވެ.
އާއްމުގޮތެއްގައި ދުބާއީ އާއި ވީއައިއޭއާ ދެމެދު ކުރާ ދަތުރުތަކަށް 4 ގަޑިއިރާ 10 މިނެޓް ނަގައެވެ. ނަމަވެސް މިއަދު ދުބާއީން ރާއްޖެއައި އިއްތިހާދު އެއާވޭސްގެ މި ފްލެޓްގެ ޖުމްލަ ދަތުރުގެ ދިގުމިނަކީ 6 ގަޑިއިރުކަމަށް ފްލައިޓް ޝެޑިއުލް ޑޭޓާއިން ދައްކައެވެ.
މޫސުން ގޮސްވުމުގެ ސަބަބުން މީގެ ކުރިންވެސް ބައެއް ފަހަރު މިފަދަ ހާދިސާތައް ހިނގާފައިވާއިރު، ބައެއް ފަހަރު ފްލައިޓް ކޮޅުނބަށް ޖައްސާފައިވެސް އެބަހުއްޓެވެ. މީގެކުރިން ވީއައިއޭ ރަންވޭ ބިޒީވުމުގެ ސަބަބުން ބައެއްފަހަރަށް ފްލައިޓްތައް ދެ ގަޑިއިރު ލަހުންވެސް ޖައްސާފައި އެބަހުއްޓެވެ.