ތުރުކީގެ ބެސިކްޓަސް ދޫކޮށް، އިނގިރޭސި ފޯވާޑް ޓެމީ އަބްރަހަމް އެނބުރި ޕްރިމިއާ ލީގުގެ ކްލަބް އެސްޓަން ވިލާއަށް ބަދަލުވެއްޖެއެވެ. އޭނާ ޕްރިމިއާ ލީގުގެ ޗެލްސީން އިޓަލީގެ ރޯމާއަށް ބަދަލުވީ 2021 ގައެވެ. އޭގެފަހުން އެ ކުލަބަށް ޔުއެފާ ކޮންފަރެންސް ލީގު ކާމިޔާބުކޮށްދިނުމަށްފަހު ދެން އޭނާއަަށް އަނިޔާގެ މައްސަލަ ކުރިމަތިލާން ޖެހުނެވެ. ގާތްގަނޑަކަށް 10 ވަރަކަށް މަސްވަންދެން ކުޅުމާ ދުރުގައި ހުރުމަށްފަހު އޭނާ ބަދަލުވީ ލޯނު އެއްބަސްވުމެއްގެ ދަށޫން އިޓަލީގެ އޭސީ މިލާނަށެެވެ. އޭނާ ކުލަބު ބަދަލުވާން ޖެހުނީ އަނިޔާގެ ރަނގަޅުވެ، މާ އެދެވޭ ކުޅުމެއް އެ ކުލަބުގައި ނުދެއްކޭތީއެވެ. ތުރުކީގެ ބެސިކްޓާސްއަށް ބަދަލުވީ ނިމިގެންދިޔަ ހޫނު މޫސުމުގައެވެ. ފަހުން އެ ކުލަބުން ވަނީ އޭނާ އެ ކުލަބަށް ދާއިމީ އެއްބަސްވުމެއްގެ ދަށުން ބަދަލުކޮށްފައެވެ. އުމުރުން 28 އަހަރުގެ އަބްރަހަމް އެސްޓަން ވިލާއަށް ސޮއިކޮށްފައިވަނީ 18.25 މިލިއަން ޕައުންޑުގެ ފީއަކެވެ. އެއީ ހަތަރު އަހަރާއި ބައިގެ މުއްދަތުގެ އެއްބަސްވުމެކެވެ. ރިޕޯޓުތައް ބުނާގޮތުން މިހާރު އޭނާގެ ޓާގެޓަކީ ވޯލްޑް ކަޕުގައި ވާދަކުރާ އިނގިރޭސި ސްކޮޑުން ޖާގަ ހޯދުމެވެ. އެކަމަށް އެންމެ ފަސޭހަވާނީ ޕްރިމިއާ ލީގުގެ ކުލަބަކަށް ބަދަލުވެގެން ކަމަށް އޭނާ ދެކެއެވެ.