ރޯދަ މަހާ ދިމާކޮށް 'ޝޮޕް އެންޑް ވިން'ގެ ނަމުގައި އެލިއާ ސްޓޯރުން ޕްރޮމޯޝަނެއް ފަށައިފި އެވެ.
ވީ ކިހިނެއް؟ -  މި ޕްރޮމޯޝަނުގައި އެލިއާ ސްޓޯރުން ކުރާ ކޮންމެ 500ރ. އިން މަތީގެ ވިޔަފާރިއަކަށް، ކޮންމެ ހަފްތާއަކު ގުރުއަތުން ހޮވާ ނަސީބުވެރިއަކަށް ވުމުގެ ފުރުސަތު އޮންނާނެ އެވެ. 
ގުރުއަތުން ހޮވޭ ނަސީބުވެރިންނަށް އަގުހުރި އިނާމުތަކެއް ވަނީ ކަނޑައަޅައިފަ އެވެ.
ތަފްސީލް - މި ޕްރޮމޯޝަނުގެ ދަށުން ފުރަތަމަ ހަފްތާގައި ގުރުއަތުން ހޮވޭ ނަސީބުވެރިއަކަށް ބަދިގޭ ސާމާނު ސެޓެއް ލިބޭނެ އެވެ.
އަންނަ 28 މާޗުގެ ނިޔަލަށް ކުރިއަށް ގެންދާ މި ޕްރޮމޯޝަނުގެ މުއްދަތުގައި ކޮންމެ ހަފްތާއަކު ވެސް އަގުހުރި އިތުރު އިނާމުތައް ދޫކޮށްލާނެ އެވެ.
ފާހަގަ ކުރެވޭ - ލަކުޑި އާއި ހާޑްވެއާގެ ވިޔަފާރިން ފެށި އެލިއާއަކީ މިހާރު އިމާރާތްކުރުމުގެ މަސައްކަތުގައި ބޭނުންކުރާ އެންމެ ކޮލެޓީ ސާމާނު ފޯރުކޮށްދޭ ވިޔަފާރިއެކެވެ.
އެ ކުންފުނީގެ ވިޔަފާރި ފުޅާވެ، ދިވެހިންގެ އިތުބާރު ހޯދާފައިވާއިރު، 60އަށް ވުރެ ގިނަ އަހަރުގެ ތަޖުރިބާއާ އެކު އެލިއާ އިން އަންނަނީ ޕަވަޓޫލްސް އާއި ހާޑްވެއާގެ ގިނަ އުފެއްދުންތައް ދިވެހި ބާޒާރަށް ފޯރުކޮށްދެމުންނެވެ.