އެހެން ފަހަރުތަކާ ޚިލާފަށް މި އަހަރު ދަރިވަރުންގެ ލޯނަށް ހުޅުވާލާނީ މުޅި އަހަރު ހުށަހެޅޭ ގޮތަށް ކަމަށް ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދު މިއަދު ވިދާޅުވެއްޖެއެވެ. މިއަދު ބޭއްވި ނޫސްވެރިންގެ ބައްދަލުވުމުގައި ހައިދަރު ވިދާޅުވީ، ދަރިވަރުން ލޯނަށް އެދި ހުށަހަޅަން ވަކި މުއްދަތެއް ކަނޑައަޅާތީ، އެ މުއްދަތުގައި ހުށަހަޅަން ބައެއް ދަރިވަރުންނަށް ދަތިވެ، ލޯނަށް އެދުމުގެ ފުރުސަތު ގެއްލޭ ކަމަށެވެ. އެހެންވެ، މި އަހަރު ވަކި މުއްދަތެއް ކަނޑަނާޅައި، މި އަހަރު ހުޅުވާލާނީ މުޅި އަހަރު ލޯނަށް ހުށަހެޅޭ ގޮތަށް ކަމަށް ހައިދަރު ވަނީ ވިދާޅުވެފައެވެ. އެ ބަދަލާ އެއްކޮށް، ލޯނަށް އެދުމުގެ ފުރުސަތު ދަރިވަރުންނަށް ނުގެއްލި، ލޯނަށް ހުށަހަޅަން ދަރިވަރުންނަށް މިހާރަށް ވުރެ ބޮޑަށް ފަސޭހަވާނެ ކަމަށް މިނިސްޓަރު ގަބޫލުކުރައްވައެވެ. ހަޔާ އެޑިއުކޭޝަން މިނިސްޓަރު ޑރ. ހައިދަރު -- ފޮޓޯ/ މަޖިލީސް މި ބަދަލާ އެކު ދަރިވަރުން ލޯނަށް އެދެންވާނީ ކިޔަވަން ދިޔުމަށް ތައްޔާރުވެގެން. ލޯނު ހޯދަން އެދޭއިރު، ހުށަހަޅަން ޖެހޭ ލިޔުންތައް ވެސް ތަފާތުވާނެ. އޭގެ ތެރޭގައި ޕްލޭސްމަންޓެއް ހޯދުމާއި އެމްކިއުއޭއިން ހޯދަންވާ ލިޔެކިޔުންތައް ހިމެނޭ،ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދު މިނިސްޓަރު ވިދާޅުވީ، ލޯނަށް ކުރިމަތިލާން ހުޅުވާލާނީ ބަންދުތައް ނިމި، ސަރުކާރު ހުޅުވުމުން ކަމަށެވެ. މިނިސްޓަރު އެފަދައިން ވިދާޅުވިއިރު، ދަރިވަރުންގެ ލޯނަށް މިދިޔަ ފެބްރުވަރީ މަހުގެ 27 ވަނަ ދުވަހުގެ ނިޔަލަށް 79.1 މިލިއަން ރުފިޔާ ޚަރަދުކޮށްފައިވާ ކަމަށް ފިނޭންސް މިނިސްޓްރީގެ ހިސާބުތަކުން ވަނީ ދައްކާފައެވެ. އެއީ ދަރިވަރުންގެ ލޯނަށް ޚަރަދުކުރުމަށް މިއަހަރުގެ ބަޖެޓުން ކަނޑައަޅާފައިވާ އަދަދު ކަމަށްވާ 776.6 މިލިއަން ރުފިޔާގެ 10.2 އިންސައްތައެވެ. https://sun.mv/218686 އެކަމަކު، މިނިސްޓަރު މިއަދު ވިދާޅުވީ، ފެބްރުއަރީގެ ނިޔަލަށް 2001 ދަރިވަރުންގެ ލޯނަށް ޚަރަދުވީ، 20 މިލިއަނަށް ވުރެ ގިނަ ރުފިޔާ ކަމަށެވެ. މިދިޔަ އަހަރު ސްޓޫޑެންޓް ލޯނަށް ޚަރަދުކުރަން ސަރުކާރުން ބަޖެޓުގައި ކަނޑައެޅީ 768 މިލިއަން ރުފިޔާއެވެ. ނަމަވެސް، މިދިޔަ ޑިސެންބަރު މަހުގެ ނިޔަލަށް ޚަރަދުކޮށްފައިވަނީ އޭގެ ތެރެއިން 603 މިލިއަން ރުފިޔާއެވެ.