ފަހި، ދިރިއުޅުން، ކޯޕަރޭޝަންގެ ފްލެޓްތަކުގެ އިންޓީރިއާ މަސައްކަތް ކުރަން ގިނަ ބަޔަކު ގަވިންގައި އެެދެމުން އަންނާތީ، އެ ޚިދުމަތް ދިނުމުގައި މިހާރު އަމަލުކުރަމުން އަންނަ އުސޫލެއް ގަވިން އިން އާންމުކޮށްފިއެވެ. ގަވިންއިން ބުނީ ގިނަ އަދަދެއްގެ ފްލެޓްތަކުގެ ތަޅުދަނޑި އެއްފަހަރާ، ހަވާލުކުރަމުން އަންނަ ކަމަށެވެ. އެހެންވެ ގަވިންއިން ޚިދުމަތް ދިނުމުގައި އަމަލުކުރާނޭ، އުސޫލެއް މިހާރު އެބައޮތް ކަމަށެވެ. އެއީ: މިންނެގުމުގެ މަސައްކަތް: ކަސްޓަމަރަށް ތަޅުދަނޑި ލިބުމަށްފަހު، އެކަން ކުންފުންޏަށް އެންގުމުން، މިންނެގުމުގެ މަސައްކަތް ޝެޑިއުލްކުރާނެ. އަދި މަސައްކަތް ކުރިއަށްދާނެ ވަގުތު ވަޓްސްއަޕް މެދުވެރިކޮށް އަންގާނެ. ކުރެހުން ތައްޔާރުކުރުމާއި މެޓީރިއަލް އިޚްތިޔާރުކުރުން: މިން ނަގައި ނިމުމުން، ފްލެޓްގެ ޑިޒައިން ކުރުމުގެ މަސައްކަތް ކުރިއަށްދާނެ. އެއަށްފަހު ކަސްޓަމަރާ "މަޝްވަރާކޮށްގެން" ބަދަލު ގެންނަން ބޭނުންނަމަ އެ ފުރުސަތު ދޭނެ އަމަލީ މަސައްކަތް ފެށުން: ޕްރޮޖެކްޓުގެ އަމަލީ މަސައްކަތް ފެށޭނީ ކުރެހުމާއި މެޓީރިއަލްތައް ފައިނަލްކޮށް ޖުމްލަ އަގުގެ 75 ޕަސެންޓު ފައިސާ ދެއްކުމުން. މަސައްކަތްތައް ޝެޑިއުލްކުރާނީ ކުރެހުމާއި މެޓީރިއަލް ފައިނަލްވެ ފައިސާ ދައްކާ ތަރުތީބުން. ގަވިންއިން ވަނީ ކަސްޓަަމަރުން އިތުރު މައުލޫމާތު ބޭނުންވާނަމަ އެ ކުންފުނީގެ ޕްރޮޖެކްޓްސް ނަންބަރު 9348899 ނުވަތަ ކަސްޓަމާ ސާވިސް ނަންބަރު 9688899 އަށް ގުޅަން އެދިފައެވެ.