ކަންކަން ކުރިމަތިވުމުން ބައެއް މީހުން ވަރަށް ފަސޭހައިން ޤަބޫލުކުރާ ކަމެއް އޮވެއެވެ. އެއީ ދެން ތިމާއަށް މުޅި ޢުމުރުގައިވެސް އުޅެންޖެހޭނީ މިޙާލުގައި ކަމެވެ. ނަމަވެސް މިއީ މިއީ ކުރެވޭ ވަރަށް ބޮޑު ކުށެކެވެ.  
މުސްލިމުން އަބަދުވެސް ޔަޤީންކުރަންވާނީ ދެން ތިމާއަށް ލައްވަވާނެ ރަޙްމަތް މާބޮޑުވާނެކަމަށެވެ. މިޙާލަތުން ދާދި އަވަހަށް ސަލާމަތްކުރައްވަވައި މާރަނގަޅު ގޮތް މިންވަރުކުރައްވަވާނެ ކަމަށެވެ. އެކަން ޤަބޫލުކުރެވޭނީ ކުރިމަތިކުރައްވަވާފައިވަނީ އިމްތިޡޙާނެއް ކަމަށް ޤަބޫލުކުރެވޭ މީހުންނަށެވެ.  
އަހުރެން މިހެން މިބުނަނީ ސަބަބެއް ނެތިއެއް ނޫނެވެ. ﷲ ތަޢާލާ ވަޙީކުރައްވަވާފައިވަނީ އެމީހަކު ތިމަން ﷲ ޢާއިމެދު އުންމީދުކުރާ ގޮތަކަށް އެމީހަކާއިއެކު ތިމަން ﷲ ވޮޑިގެންވާ ކަމަށެވެ. ވީމާ އަހުރެމެންނަށް އޮތީ އަބަދުވެސް ތިމާއަށް ހެޔޮ ރަޙްމަތް ލައްވަވާނެ ކަމަށް ޔަޤީންކޮށްގެން ތިބުމެވެ.  
އެކަމަކު މިބަހުގެ މާނަ އޮޅުވާލައިގެން ނުވާނެއެވެ. ކޮންމެ ޙާލަތެއްގައިވެސް ﷲ ތަޢާލާގެ މަގުގައި ޘާބިތުވެ ކިޔަމަންތެރިކަން އަދާކުރަންވާނެއެވެ. ދުޢާކުރުންމަތީގައި ދެމިހުންނަންވާނެއެވެ.  
- އުސްތާޛާ ޔާސްމީން މުޤާހިދުގެ ދަރުސަކުން