ކައުންސިލް މިނިސްޓަރު އާދަމް ޝަރީފް ހުއްދަ ދީގެން ލޯކަލް ގަވަމަންޓު އޮތޯރިޓީއިން މައްސަލަތަކެއް ބެލުމަށް ފަހު ހއ. ހޯރަފުށީ ކައުންސިލްގެ ރައީސް މުހައްމަދު ވަހީދު ސަސްޕެންޑުކޮށްފި އެވެ.
އެލްޖީއޭއިން މިރޭ ކުރި އިއުލާނެއްގައި ބުނި ގޮތުގައި އޭނާ ސަސްޕެންޑު ކުރުމުގެ އިތުރުން ކައުންސިލްގެ ބާކީ މެންބަރުންނަށް ވެސް އިދާރީ ފިޔަވަޅެއް ވަނީ އަޅާފަ އެވެ. އެއީ ނަސޭހަތް ދިނުމެވެ.
މި ސަރުކާރުން އަންނަނީ ކައުންސިލްތަކުގެ ބާރު ކަނޑުވާލުމަށް ގިނަ މަސައްކަތްތަކެއް ކުރަމުންނެވެ. އޭގެ ތެރެއިން ބައެއް ކައުންސިލަރުން ދަނީ ސަސްޕެންޑު ވެސް ކުރަމުންނެވެ.