ކަނޑުމަގުން ރާއްޖެއަށް އެތެރެކުރި ގިނަ އަދަދެއްގެ ވޭޕް ކާޓްރިޖް މޯލްޑިވްސް ކަސްޓަމްސް ސަރވިސްއިން އަތުލައިގަނެފިއެވެ.
މިއީ މި މަހުގެ ތެރޭގައި މިފަދަ ތަކެތި އަތުލައިގަތް ފުރަތަމަ ފަހަރެއް ނޫނެވެ. މި މަހުގެ 18 ވަނަ ދުވަހު ކަސްޓަމްސްއިން ހިންގި އޮޕަރޭޝަނެއްގައިވެސް 15,601 ވޭޕް ކާޓްރިޖް ވަނީ އަތުލައިގަނެފައެވެ. އެއީ ވޭޕްއާއި އިލެކްޓްރޯނިކް ސިނގިރޭޓް ރާއްޖެއަށް އެތެރެކުރުން މަނާކުރި ފަހުން އަތުލައިގަތް އެންމެ ބޮޑު ޝިޕްމަންޓު ކަމަށް ކަސްޓަމްސްއިން ފާހަގަކުރެއެވެ.