ކާބޯތަކެތީގެ ރައްކާތެރިކަން ކަށަވަރުކޮށް، ދެެމެއްހެޓުމަށްޓަކައި ކާބޯތަކެތި ވިއްކާ ތަންތަނަކީ އެފަދަ ހިދުމަތްދޭން އެކަށީގެންވާ ތަނެއްތޯ އަދި ވިއްކާ ކާބޯތަކެތީގެ ކަށަވަރުކަން ޔަގީންކުރަން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ކުރިއަށް ގެންދާ ސާވޭގައި މިހާތަނަށް 300 ފިހާރައެއް އިސްލާހު ކުރަން އަންގާފައިވާނެ ކަމަށް އެއޮތޯރިޓީން ބުނެފި އެވެ.
އެ އޮތޯރިޓީން މިއަދު ނެރުނު ނޫސް ބަޔާނެއްގައި ބުނީ މިދިޔަ މަހު 25 ގައި ފެށި މި ސާވޭގައި މިހާތަނަށް ގިނަ އަދަދެއްގެ ތަންތަން ބަލައި ފާސްކޮށްފައިވާނެ ކަމަށެވެ. މި ސާވޭގައި ޖުމްލަ 11 ކަމެއް ފާހަގަ ކުރެވުނު ކަމަށް އެބަޔާނުގައި ބުނެފައިވެ އެވެ.
އެމްއެފްޑީއޭ އިން ކުރިއަށްގެންދާ މި ސާވޭގައި ކާބޯތަކެތީގެ ވިޔަފާރިކުރާ ހުރިހާ ތަނެއް ބަލައި ފާސްކުރަން ވަނީ ނިންމާފަ އެވެ.