ވައިޓް ލޮޓަސް ހަތަރުވަނަ ސީޒަނެއްވެސް ނެރެނީ

އެޗްބީއޯގެ އެންމެ މަގުބޫލު ޝޯތަކުގެ ތެރޭގައި ހިމެނޭ "ވައިޓް ލޮޓަސް"ގެ ތިންވަނަ ސީޒަން ދައްކަން ވެސް ނުފަށަނީސް ހަތަރު ވަނަ ސީޒަނެއް ނެރޭނެ ކަމަށް އިއުލާނު ކޮށްފިއެވެ. ޑްރާމާ ޝޯ ވައިޓް ލޮޓަސް އަކީ ރިލީޒްކުރުމާއެކު ބޮޑު މަގުބޫލުކަމެއް ހޯދަން ފަށާފައިވާ ޝޯއެކެވެ. މި ޝޯ ދައްކަމުން ދިޔަ ދުވަސްވަރު މުޅި އިންޓަނެޓުން މި ޝޯގެ ވާހަކަ ނޫން އެހެން ވާހަކައެއް ނީވެއެވެ. އެޗްބީއޯއިން މިހާރު ތައްޔާރުވަމުން އަންނަނީ ޝޯގެ ތިންވަނަ ސީޒަން ދައްކަން ފެށުމަށެވެ. އެގޮތުން ކޮންމެ ސީޒަނެއްގައި ތަފާތު މަންޒިލަކަށް ހާއްސަކޮށްގެން ދައްކާ މި ޝޯގައި މިފަހަރު ފެންނާނީ ތައިލެންޑެވެ. އާ ސީޒަނާއެކު ޝޯގެ ކާސްޓަށް ވެސް ބޮޑެތި ބަދަލުތައް އަންނާނެއެވެ. އަންނަ މަހު ދައްކަން ފެށުމަށް ހަމަޖެހިފައިވާ ތިންވަނަ ސީޒަންގެ އެންމެ ހާއްސަ އެއް ތަރިއަކީ ކޭޕޮޕްގެ އެންމެ މަގުބޫލު އެއް ތަރި ކަމަށްވާ ލިސާ މަނޮބަން އެވެ. މިއީ ލިސާ އެކްޓިން އަށް ނުކުންނަ ފުރަތަމަ އުފެއްދުމެވެ. މި ތީމާއެކު އަލަށް އިއުލާނުކޮށްފައިވާ ސީޒަންގައި ވެސް ފެންނާނީ އެހެން މަންޒިލެކެވެ. ނަމަވެސް އާ މަންޒިލުގެ އިތުރުން އާ ކާސްޓުގެ މައުލޫމާތެއް ހާމަކޮށްފައެއް ނުވެއެވެ. ޝޯގެ އާ ސީޒަންގެ ޝޫޓިން ފަށާނީ އަންނަ އަހަރުގައި ކަމަށް އެޗްބީއޯ އިން ހާމަކޮށްފައިވެއެވެ. ވައިޓް ލޮޓަސް އަކީ ބޮޑު ކާސްޓެއް އޮތް ޝޯއެކެވެ. އެގޮތުން ތިއޯ ޖޭމްސް އާއި ޖެނިފާ ކޫލިޖްގެ އިތުރުން އެލެގްޒެންޑްރިއާ ޑަޑާރިއޯ އަދި އޯބްރީ ޕްލާޒާ ފަދަ އެކްޓަރުން ވަނީ ޝޯއިން ފެނިގެން ގޮސްފައެވެ. އަންނަ މަހު ނެރޭ އާ ސީޒަނުން ވެސް މި ކާސްޓުގެ ބައެއް އެކްޓަރުން ފެނިގެންދާނެއެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ