ހައިކޯޓުގެ ރަޖިސްޓްރީން ދައްކާ ގޮތުގައި އިސްތިއުނާފް ކުރި އެ މައްސަލަ އަދި އެ ކޯޓުން ބަލައިގަތުމާމެދު ގޮތެއް ނުނިންމަ އެވެ.
މިދިޔަ އޭޕްރީލް މަހުގެ 18 ވަނަ ދުވަހުގެ ރޭ ހ. ފެންޓެނޯއީ ގޭގެ ނުވަވަނަ ފަންގިފިލާއިން ގުދަނެއްގެ ފުރާޅު މައްޗަށް ހައްވާ ޔުމްނު ރަޝީދު ވެއްޓުނު މައްސަލައިގައި ހައްޔަރު ކޮށްފައިވާ ރައުދު އަހުމަދު ޒިލާލް ބަންދުކުރަން ކްރިމިނަލް ކޯޓުން ނެރުނު އަމުރެއް ހައިކޯޓުގައި އިސްތިއުނާފް ކޮށްފި އެވެ.
މި މައްސަލައާ ގުޅިގެން އުމުރުން 21 އަހަރުގެ ރައުދު ހައްޔަރު ކޮށްފައި ވަނީ މިދިޔަ މަހުގެ 25 ވަނަ ދުވަހު އެވެ. ރައުދުގެ ބަންދު މުއްދަތު އެކި ފަހަރު މަތިން އިތުރުކޮށްފައިވާއިރު، އިސްތިއުނާފް ކޮށްފައި ވަނީ މިމަހުގެ 10 ވަނަ ދުވަހު ފަސް ދުވަހަށް މުއްދަތު އިތުރުކުރި އަމުރެވެ.އެ ފަސް ދުވަހުގެ މުއްދަތު ހަމަވުމުން، ކޯޓުން ވަނީ މިދިޔަ ބުރާސްފަތި ވަނީ 20 ދުވަހަށް އިތުރުކޮށްފަ އެވެ. އެ އަމުރު އަދި އިސްތިއުނާފް ކޮށްފައެއް ނުވެ އެވެ.ހައިކޯޓުގެ ރަޖިސްޓްރީން ދައްކާ ގޮތުގައި އިސްތިއުނާފް ކުރި އެ މައްސަލަ އަދި އެ ކޯޓުން ބަލައިގަތުމާމެދު ގޮތެއް ނުނިންމަ އެވެ.ހ. މިޓާޒްގޭ ފުރާޅު މައްޗަށް ޔުމްނު ވެއްޓިފައި އޮއްވައި ފެނުނީ އަނެއް ދުވަހުގެ ހެނދުނުގެ ވަގުތެއްގަ އެވެ. އެ ހާދިސާއާ ގުޅިގެން ޔުމްނުއަށް ބޮޑެތި އަނިޔާތަކެއް ލިބިފައިވާއިރު މިހާރު ފަރުވާ ދެމުން ދަނީ މެލޭޝިއާގެ ހޮސްޕިޓަލެއްގަ އެވެ.
ފުލުހުން ވަނީ ޔުމްނު ވެއްޓުމުގައި ރައުދުގެ ބައިވެރިވުން އޮތް ކަމަށް ތުހުމަތު ކޮށްފަ އެވެ. ރައުދުއަކީ ޔުމްނު ވެއްޓުމުގެ ކުރިން އެންމެ ފަހު ވަގުތާ ޖެހެންދެން ފެންޓެނޯއީ ގޭގެ ސިޑިމަތީގައި އުޅުނު ޒުވާނާ އެވެ. އެމަންޒަރުތައް ފެންނަ ސީސީޓީވީ ފުޓޭޖްތައް ފުލުހުން ކުރިން ވަނީ ދައްކާފަ އެވެ.މި މައްސަލަ ބެލުމަށް ރައީސް ޑރ. މުހައްމަދު މުއިއްޒު ވަނީ ރިޔާސީ ކޮމިޝަނެއް ވެސް އުފައްދަވާފަ އެވެ. އެކޮމިޝަނުން މިހާރު ވަނީ ރައުދުއާ ބައްދަލުކޮށް ސުވާލު ކޮށްފަ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ