ވިލާ ކޮލެޖުގެ ކުރިއަށް އޮތް މޭ އިންޓޭކްގެ ކޯސްތަކަށް ކުރިމަތިލުމުގެ ފުރުސަތު އެ ކޮލެޖުން އިއްޔެ ހުޅުވާލައިފި އެވެ.
ވީ ކިހިނެއް؟ - މި އިންޓޭކްގައި ސެޓްފިކެޓް ލެވެލް 4 އިން ފެށިގެން މާސްޓާސް ޑިގްރީއާ ހަމައަށް 100އަށް ވުރެ ގިނަ ތަފާތު ޕްރޮގްރާމްތަކެއްގައި ބައިވެރިވުމުގެ ފުރުސަތު ވަނީ ހުޅުވާލާފަ އެވެ.
މި އިންޓޭކަށް އަންނަ މަހުގެ 18ގެ ނިޔަލަށް، ވިލާ ކޮލެޖުގެ ވެބްސައިޓު މެދުވެރިކޮށް އޮންލައިންކޮށް ހުށަހެޅޭނެ އެވެ.
ތަފްސީލް - މި އިންޓޭކްގައި ހުޅުވާލެވިފައިވާ ދާއިރާތަކުގެ ތެރޭގައި:
އިންފޮމޭޝަން ޓެކްނޮލޮޖީ، ކޮމްޕިއުޓަރު ސައިންސް، ސައިބަ ސެކިއުރިޓީ، ޑާޓާ ސައިންސް އަދި ސޮފްޓްވެއަ އިންޖިނިއަރިން 
ތައުލީމީ ދާއިރާގެ އެކި ލެވެލްތަކުގެ ޓީޗިން ޕްރޮގްރާމްތައް 
ބިޒްނަސް މެނޭޖްމަންޓް 
އެކައުންޓިން 
އިންޖިނިއަރިން 
ނާސިން
ލޯ އަދި ޝަރީއާ 
ސައިކޮލޮޖީ 
ކަލިނަރީ އާޓްސް
ވިލާ ކޮލެޖުގެ އެންމެ ހާއްސަ އެއް ކަމަކީ ރާއްޖޭގައި ތިބެގެން ބައިނަލްއަގްވާމީ ފެންވަރުގެ ޑިގްރީތައް ހާސިލުކުރުމުގެ ފުރުސަތު ދަރިވަރުންނަށް ލިބިގެންދިއުމެވެ. އެގޮތުން:
އިނގިރޭސިވިލާތުގެ ޔުނިވަސިޓީ އޮފް ދި ވެސްޓް އޮފް އިންގްލޭންޑް އަދި ޕޯޓްސްމޯތު ޔުނިވަސިޓީގެ އިތުރުން، މެލޭޝިއާގެ ޓޭލާސް ޔުނިވަސިޓީ އަދި ޔުނިވަސިޓީ އޮފް ސައިބަޖާޔާގެ ޕްރޮގްރާމްތައް އެ ކޮލެޖުގައި ކުރިއަށްގެންދާނެ 
ހާއްސަކޮށް ޕޯޓްސްމޯތު ޔުނިވަސިޓީއާ ގުޅިގެން ހިންގާ އިންޖިނިއަރިން ޕްރޮގްރާމްތަކުގެ ފަހު އަހަރުތައް އިނގިރޭސިވިލާތުގައި ފުރިހަމަކުރުމުގެ ފުރުސަތު ދަރިވަރުންނަށް އޮންނާނެ
ދަރިވަރުންނަކީ މަސައްކަތުގެ މާހައުލަށް ތައްޔާރުވެފައިވާ ބަޔަކަށް ހެދުމަށްޓަކައި، ވިލާ ކޮލެޖުން ކިޔަވައިދިނުމުގައި އަމަލީ ތަޖުރިބާ ނުވަތަ އިންޓާންޝިޕްތަކަށް ބޮޑު އިސްކަމެއްދެ އެވެ.
ދަރިވަރުންގެ ކިޔެވުމުގެ މަރުހަލާ ފަސޭހަކުރުމަށްޓަކައި 'ވީ-ކެއާ' ކައުންސެލިން، ޒަމާނީ ލާނިން ހަބް، 16 ލެބޯޓަރީ އަދި ޖިމް ފަދަ ވަސީލަތްތައް ވަނީ ގާއިމުކޮށްފަ އެވެ.
ވަޒީފާ އަދާކުރާ ފަރާތްތަކަށް ލުއިފަސޭހަކޮށްދިނުމުގެ ގޮތުން ގިނަ ކޯސްތަކެއް އޮންލައިންކޮށް ކިޔެވުމުގެ ފުރުސަތު ވެސް ވަނީ ހުޅުވާލާފަ އެވެ.
ފާހަގަކޮށްލެވޭ - ވިލާ ކޮލެޖަކީ ބައިނަލްއަގްވާމީ ރޭންކިންތަކުން ވެސް ފާހަގަކޮށްލެވޭ ކާމިޔާބީތަކެއް ހޯދާފައިވާ ތަނެކެވެ. އެގޮތުން:
ކިއުއެސް ސްޓާ ރޭޓިންގައި އެންމެ މަތީ 5 ތަރި ހާސިލުކުރި 
ޓައިމްސް ހަޔަ އެޑިއުކޭޝަން އިމްޕެކްޓް ރޭންކިންސްގައި ދުނިޔޭގެ އެންމެ މަތީ %20 ޔުނިވަސިޓީތަކުގެ ތެރޭގައި އެ ކޮލެޖު ހިމެނޭ