މިއަދު ހަވީރު އައްޑޫ ހިތަދޫގައި މަރުވެފައި އޮއްވާ ފެނުނީ ވޯކް ވިސާގެ ދަށުން ރާއްޖޭގައި އުޅެމުންދިޔަ އޮސްޓްރޭލިއާ މީހެއް ކަމަށް ފުލުހުން މިރޭ ބުނެފި އެވެ.
ވީ ކިހިނެއް؟ - ހިތަދޫ ފަތާ ޓްރެކް މޫދު ސަރަހައްދުން މަރުވެފައި އޮއްވާ ފެނުނު ބިދޭސީ ފިރިހެން މީހާއަކީ ކާކުކަން ދެނެނުގަނެވިގެން ފުލުހުން ވަނީ އާއްމުންގެ އެހީތެރިކަމަށް އެދިފަ އެވެ. ފުލުހުން ބުނިގޮތުގައި އޭނާ ގެއްލިގެން އުޅޭކަމުގެ ރިޕޯޓެއް ވެސް ލިބިފައެއް ނެތެވެ.
ތަފްސީލް - ނަމަވެސް ފުލުހުންނަށް މިހާރު ވަނީ އެއީ ކާކުން ކަށަވަރުވެފަ އެވެ. އޭނާއަކީ:
އޮސްޓްރޭލިއާގެ ރައްޔިތެއް ކަމަށްވާ ޑެނިއަލް ޑީ ޖިއޮވީން
އޭނާގެ އުމުރުން 60 އަހަރު 
އެއީ ވޯކް ވިސާގެ ދަށުން ރާއްޖޭގައި އުޅެމުންދިޔަ މީހެއް
ފުލުހުން ބުނިގޮތުގައި މި މަރުގެ ހާދިސާ ހިނގަން މެދުވެރިވި ސަބަބު ދެނެގަތުމަށް ފުލުހުން އަންނަނީ މައްސަލަ ތަހުގީގުކުރަމުންނެވެ.