ވެލާނާ އިންޓަރނޭޝަނަލް އެއަރޕޯޓް (ވީއައިއޭ) ގެ ޓަރމިނަލް 2 ގެ ކަފިހިހުރަހުގެ ފުރާޅު މަރާމާތުކުރުމުގެ މަސައްކަތް ކުރުމަށްޓަކައި، އެ ސަރަހައްދުގެ ޓްރެފިކް ފްލޯއަށް ބަދަލުތަކެއް ގެނައުމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ނިންމައިފިއެވެ.
އެމްއޭސީއެލް އިން ވަނީ އެއަރޕޯޓް ބޭނުންކުރާ ފަރާތްތަކުން މި ބަދަލުތަކަށް ސަމާލުކަން ދެއްވުމަށް އިލްތިމާސްކޮށްފައެވެ. މި ބަދަލުތައް ހިނގާނީ ހަމައެކަނި ކަނޑައެޅިފައިވާ ދަންވަރުގެ ވަގުތުތަކުގައި ކަމަށްވެސް އެ ކުންފުނިން ފާހަގަކުރެއެވެ.