"އެންސީއޭ އޮފީސްތަކުގެ ޓެލެޑްރާމާ މުބާރާތު" ގައި ބައިވެރިވުމުގެ މުއްދަތު ނޭޝަނަލް ސެންޓަރ ފޮރ ދި އާޓްސް (އެންސީއޭ)އިން އިތުރުކޮށްފިއެވެ.
އެންސީއޭ އިން ބުނީ މުނިފޫހިފިލުވުމުގެ ދާއިރާއަށް ފަންނާނުން އިތުރުކޮށް، ފަންނުވެރީންނަށް ހިތްވަރުދީ، އަގުވަޒަންކޮށް، އެކުވެރި ވާދަވެރި މަހައުލެއްގައި ފަންނުވެރިކަން ތަރައްޤީކޮށް ދެމެހެއްޓުމުގެ މަޤްސަދުގައި ބާއްވަމުން އަންނަ "އެން.ސީ.އޭ - އޮފީސްތަކުގެ ޓެލެޑްރާމާ މުބާރާތް 1446" ގައި ބައިވެރިވުމަށް އެދި އޮފީސްތަކުން އެދެމުންދާތީ މި މުބާރާތުގައި ބައިވެރިވުމުގެ މުއްދަތު އިތުރުކޮށްފައިވާ ކަމަށެވެ.
މުބާރާތުގައި ބައިވެރިވެލެއްވުމަށް ޝައުގުވެރިވާ ފަރާތްތަކުން 26 ޖެނުއަރީ 2025 ވާ އާދީއްތަ ދުވަހުގެ 13:30 ގެ ކުރިން އެ ސެންޓަރަށް ފޯމް ހުށަހެޅުމަށް ވަނީ އެދިފައެވެ. އަދި މިމުބާރާތުގައި ބައިވެރިވުމަށް އެދޭ ފޯމް އެ ސެންޓަރުން ލިބޭނެކަމަށްވެސް އެންސީއޭއިން ބުންޏެވެ.
ގިނަ ބައެއްގެ މެދުގައި މަގުބޫލުކަން ލިބިފައިވާ މި މުބާރާތް ފަސް އަހަރުގެ މެދުކެނޑުމަކަށްފަހު އަލުން ބާއްވާފައިވަނީ މިދިޔަ އަހަރުއެވެ.