ފީފާ ވޯލްޑް ކަޕުގެ ސެމީ ފައިނަލުގައި ސްޕެއިން އަތުން 2-0 ގެ ނަތީޖާއަކުން ބަލިވީ، ފްރާންސްގެ ކުޅުންތެރިންގެ ފަރާތުން ފެނުނު ފަރުވާކުޑަ ކުޅުމުގެ ސަބަބުން މެޗުގެ ކޮންޓްރޯލް ގެއްލުމުން ކަމަށް ޓީމުގެ ކެޕްޓަން ކީލިއަން އެމްބާޕޭ ބުނެފިއެވެ. މުބާރާތުން ފްރާންސް ކަޓައިގެން ދިޔަ ދިއުމާ ގުޅޭގޮތުން، އެ ވަނީ ވަރަށް ފާޅުކަން ބޮޑު ގޮތެއްގައި ވާހަކަދައްކާފައެވެ. ވިދިވިދިގެން ތިންވަނަ ފަހަރަށް ވޯލްޑް ކަޕުގެ ފައިނަލުން ޖާގަ ހޯދުމަށް ފްރާންސް ކުރި އުއްމީދުތައް ފެނަށް ދިޔައިރު، އެމްބާޕޭ ވަނީ މެޗަށް އެކުލަވައިލި ރޭވުންތަކާއި، އެ ރޭވުންތައް ދަނޑުމަތީގައި ތަންފީޒުކުރުމުގައި ހުރި މައްސަލަތައް ފާހަގަކޮށްފައެވެ. ވަކިން ޚާއްސަކޮށް، ސްޕެއިންގެ މިޑްފީލްޑަރުން ކަމަށްވާ ރޮޑްރީ އާއި ފަބިއަން ރުއިޒަށް ބޯޅަ ހިފަހައްޓައިގެން ކުޅެން ބޭނުންވާ ވަގުތާއި ޖާގަ ފަސޭހަކަމާއެކު ލިބުނުކަން އޭނާ ފާހަގަކުރިއެވެ. "މިޑްފީލްޑުގައި އަހަރެމެން ތިބީ ދެ މީހުން، އެމީހުންގެ ތިބީ ތިން މީހުން. ސްޕެއިން ކަހަލަ ޓީމަކާ ދެކޮޅަށް އެއީ ވަރަށް އުނދަގޫ ކަމެއް،" އެމްބާޕޭ ބުންޏެވެ. ފީފާ ވޯލްޑް ކަޕުގެ ސެމީ ފައިނަލުގައި ސްޕެއިން އަތުން ބަލިވެ މުބާރާތުން ކެޓުމާއެކު އެމްބާޕޭ-- މި މެޗާ ހަމައަށް ފްރާންސް އައީ ކުޅުނު ހަ މެޗުންވެސް މޮޅުވެ، ޖުމްލަ 16 ލަނޑު ޖަހައިގެންނެވެ. ނަމަވެސް ސްޕެއިނާ ދެކޮޅަށް އެ ޓީމުގެ އެޓޭކުތައް ވަރުގަދައެއް ނުކުރެވުނެވެ. މެޗުގެ 22 ވަނަ މިނެޓުގައި ލަމީން ޔަމާލަށް ކުރި ފައުލަކާ ގުޅިގެން ލިބުނު ޕެނަލްޓީއަކުން މިކޭލް އޮޔާޒަބާލް ސްޕެއިނަށް ކުރިހޯދައިދިންއިރު، ދެވަނަ ހާފުގައި ޕެޑްރޯ ޕޯރޯ ވަނީ އެ ޓީމުގެ ލީޑު ފުޅާކޮށްދީފައެވެ. އެމްބާޕޭ ބުނި ގޮތުގައި ފްރާންސްގެ ރޭވުމަކީ ދަނޑުގެ ކުރީކޮޅުން ޕްރެސްކޮށް، ސްޕެއިންގެ އާންމު ކުޅުން ހުއްޓުވުމެވެ. ނަމަވެސް ސްޕެއިނުން ވަނީ އެ ޕްރެސް ފޫއަޅުވާލައި، ބޯޅަ ގެއްލޭ ކޮންމެ ފަހަރަކު ވަރަށް އަވަހަށް އަލުން ހޯދާފައެވެ. މީގެ އިތުރުން ރެއާލް މެޑްރިޑުގެ ފޯވާޑް ވަނީ ބޯޅައާއެކު ފްރާންސްގެ ކުޅުންތެރިން ފަރުވާކުޑަކުރި ކަމަށް ބުނެ ފާޑުކިޔާފައެވެ. އޭނާ ބުނި ގޮތުގައި ފުރުސަތުތައް ލިބުނު ވަގުތުތަކުގައި ބޯޅަ ކޮންޓްރޯލް ކުރުމުގައި ހުރި މައްސަލަތަކުގެ ސަބަބުން ސްޕެއިނަށް ނުރައްކާ ނުކުރެވުނީއެވެ. މެޗުގެ ފަހުބައިގައި ކޯޗު ޑިޑިއޭ ޑެޝޯމްޕްސް ބަދަލުތަކެއް ގެނައި ނަމަވެސް، ސްޕެއިންގެ ކޮންޓްރޯލް މެޗުން ނައްޓުވައެއް ނުލެވުނެވެ. މި މުބާރާތުގައި 8 ލަނޑު ޖަހާފައިވާ އެމްބާޕޭއަށް މި މެޗުގައި ލަނޑެއް ކާމިޔާބެއް ނުކުރެވުނެވެ. އޭނާ މިވަގުތު އޮތީ ރަން ބޫޓުގެ ރޭހުގައި އާޖެންޓީނާގެ ލިއޮނެލް މެސީއާ އެއްވަރެއްގައެވެ. "ކެޕްޓަނެއްގެ ހައިސިއްޔަތުން ހުރިހާ ޒިންމާއެއް އަހަރެން އުފުލަން. އެކަމާ އަހަރެންގެ އެއްވެސް މައްސަލައެއް ނެތް،" އެމްބާޕޭ ބުންޏެވެ. "އަހަރެމެން ބޭނުންވީ ފައިނަލަށް ދާން. އެކަމަކު އެކަން ކާމިޔާބެއް ނވި." ފްރާންސް ދެން ވާދަކުރަން ޖެހޭނީ ތިންވަނަ ހޮވާ މެޗުގައެވެ. އެ މެޗުގައި އެ ޓީމު ބައްދަލުކުރާނީ އާޖެންޓީނާ އާއި އިންގްލެންޑް ކުޅޭ ސެމީ ފައިނަލް މެޗުން ބަލިވާ ޓީމަކާއެވެ. މި މެޗު އޮންނާނީ އަންނަ ހޮނިހިރު ދުވަހު އެމެރިކާގެ މަޔާމީ ސްޓޭޑިއަމުގައެވެ.