ރިޔާސީ އިންތިޚަބުގެ ކެމްޕެއިނަށް އެމްޑީޕީއާ ގުޅިފައިވާ ޕާޓީތަކުގެ ރިޔާސީ ކެނޑިޑޭޓް، ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ފުވައްމުލައް ސިޓީއަށް ވަޑައިގަންނަވާނެ ކަމަސް އެމްޑީޕީން ބުނެފިއެވެ.
އުފާވެރި އަމާން ރާއްޖެ ކެމްޕޭނަށް ރައީސް މިއަދު ހަވީރު ފުވައްމުލައް ސިޓީއަށް ވަޑައިގެން، ކެމްޕޭންގެ އެކި ހަރަކާތްތައް ބޭއްވެވުމަށް ވަނީ ހަމަޖެހިފައެވެ.
އެގޮތުން ސަރުކާރުން ހިންގަމުން ގެންދާ މަޝްރޫއުތައް ބައްލަވައިލައްވާ އޭގެ ތެރެއިން ނިިމިފައިވާ މަޝްރޫއުތައް އިފްތިތާހުކޮށްދެއްވާނެ އެވެ. މީގެއިތުރުން އުފާވެރި އަމާން ރާއްޖެ ކެމްޕޭން ބޮޑު ޖަލްސާ މިރޭ އެ ސިޓީގައި ބޭއްވުމަށް ވަނީ ހަމަޖެހިަފއެވެ.
ރައީސްގެ މި ދަތުރުފުޅު ނިންމަވާލައްވައި ފުވައްމުލައް ސިޓީން ފުރާވަޑައިގަންނަވާނީ މާދަމާގެ ވަގުތެއްގައެވެ. އެއަށްފަހު ވަޑައިގަންނަވާނީ ށ. އަތޮޅަށް ކަމަށް މައުލޫމާތު ލިބެއެވެ.