ދިވެހިންގެ ފަރާތުން ފެނުނު އަޅާލުމާއި އޯގާތެރިކަން ފެނި އިޓަލީ ފަތުރުވެރިއަކު އިސްލާމްވެއްޖެ އެވެ.
ފޭސްބުކްގައި އޭނާއަށް ދިމާވި ހާދިސާއާއި އިސްލާމްވި ގޮތުގެ ވާހަކަ ހިއްސާކުރަމުން އިޓަލީގެ ފަތުރުވެރިޔާ ބުނީ އޭނާ ރައްޓެހިވެގެން އުޅޭ މީހާއާ އެކު ރާއްޖެ އައިސް ސްނޯކްލިންގައި އުޅެނިކޮށް އަންހެން މީހާގެ ފޯނު މޫދަށް ވެއްޓި ގެއްލުނީ ކަމަށާއި، ފޯނުގައި އެ ދެ މީހުންގެ ހުރިހާ ހަނދާންތައް ހުރި ކަމަށެވެ.
މިކަމުގެ ސަބަބުން ވަރަށް ބޮޑަށް މާޔޫސްވި ކަމަށާއި ނަމަވެސް އެ ފޯނު ފެންނާނެ ކަމުގެ އުންމީދު އެ ހިސާބުން ކަނޑާލެވި ފޯނު ހޯދަން މަސައްކަތްވެސް ނުކުރާ ކަމަށް ފަތުރުވެރިޔާ ބުންޏެވެ. ފަތުރުވެރިޔާ ބުނި ގޮތުގައި ފޯނު ގެއްލުން ވާހަކަ ދިއްސެއް ކައިރީ ބުންޏެވެ.
މި ދިވެހި މީހާ އާއި އޭނާގެ ރައްޓެހިންތަކެއް ވަރަށް ގިނައިރު މަސައްކަތް ކުރުމަށް ފަހު ފޯނު ހޯދައިދިން ކަމަށާއި ދިވެހިންގެ އެ އެހީތެރިކަމާއި އަޅާލުން ފެނި ވަރަށް ބޮޑަށް ހައިރާންވި ކަމަށްވެސް އޭނާ ބުންޏެވެ. މިހާ އޯގާތެރީ މުސްލިމުންނަށް ވުމުން ކަމުގައި ވެދާނެ ކަމަށް ހިތުގައި ސުވާލު އުފެދުނު ކަމަށްވެސް އޭނާ ވަނީ ބުނެފައެވެ.
އެއާއެކު އިސްލާމް ދީނުގެ ކަންކަން އިތުރަށް އޮޅުން ފިލުވަން ބޭނުންވެ މުސްލިމަކަށް ވާން ރަޖިސްޓާ ވާން ޖެހޭނީ ކޮންތަނެއްގައިތޯ ވެސް އޭނާ އޮޅުންފިލުވި ކަމަށް ބުނެފައިވެއެވެ. އެއާއެކު ޝަހާދަތް ކިޔާ މުސްލިމަކަށް މިހާރު ވެފައިވާ ކަން އޭނާ ވަނީ ފާހަގަކޮށްފައެވެ.
މީގެއިތުރުން މާދު ކުރާ ވަގުތުތަކާއި ޒަކާތާއި އިސްލާމް ދީނާ ބެހޭ ގޮތުން ވަރަށް ގިނަ މައުލޫމާތު މާލޭގެ ޝޭހަކާ ބައްދަލުކޮށް ހޯދި ކަމަށްވެސް އިޓަލީގެ މި ފަތުރުވެރިޔާ ބުނެފައިވެއެވެ.